所以琴晚公司有搞忘年會
咁就老細請哂成班人去食飯咁
食到興起個陣老細就話不如玩個遊戲
就玩超級無敵爭櫈仔
拎哂幾張櫈出嚟玩
冠軍獎品係5日4夜日本機票酒店連AL
我哋呢啲識做梗係唔參加
將個得獎機會留番俾啲大粒主管
基本上上到場嘅都係主管級，係有個上個月入職嘅煙腸唔識死走去玩埋一份
咁又一路玩一路淘汰，最後剩返個煙腸同部門女主管
呢個時候個個口都打哂眼色俾個煙腸要佢讓個獎出嚟
但佢好似get唔到咁
因為老細鍾意聽yoasobi
所以爭櫈仔個陣係播「群青」
一播到幾田係到「呀」個陣就停歌
個煙腸屎忽一頂就將女主管撞到飛走
撞到主管副眼鏡撞到張枱搞到爛埋
成塊臉黑哂呢個時候老細都打個圓場話
「呀主管都玩到眼鏡都爛埋，不如煙腸你讓個獎俾佢當補償，我私人包返一千蚊利是俾你」
點知個煙腸牙偉上身話
「憑我本事贏返嚟嘅獎，點解要讓？」
差在未講埋句屌你老母出嚟
即時全車靜哂，司機減速駕駛
最後個獎都係俾咗個煙腸
女主管望住佢個眼神好似想生吞咗佢咁
下年佢應該好難過
