地盤紮鐵人工日薪2,600蚊，網民：Overpaid啦，淨係識擒高擒低！

職業無分貴賤，但待遇有分高低。建造業12個工種在本月齊齊加人工，紮鐵日薪達2600元，有港男在討論區發文，指建築工人的薪酬過於豐厚，直言「班地盤佬最多值七、八千一個月」，引來網民圍插。

近日有網民在香港討論區以「香港嘅建造業係嚴重overpaid，根本班地盤佬最多值七、八千一個月」為題發文，指建築工人的薪酬過於豐厚。 該網民認為建築工人有不少短板，「班地盤佬書又讀得少，英文又唔識(有時連中文表達都唔太OK ) 」，更直言他們「degree 又無, EQ、 IQ 又低」。

該網民又埋怨道，「日日淨係擒高擒低，擔擔抬抬又幾皮野一個月，都痴X線」。

有人認為建築工人的人工不斷上漲，推高樓盤造價，令樓價難以大跌。「係辛苦工，但係日薪高到3幾千甚至更高，起樓成本增加，樓價點跌？」 其實本港建造業近年青黃不接，而且工作辛苦程度不遜其他行業，建造業從業員往往要付出體力勞動，亦要顧及地盤工作安全。

今日帶一日返地盤，第一轉就要8支R4鐵，頂硬上，係就係慢小小，去完一轉，手已經好硬，第二轉8支已經手軟，行唔到咁，師兄睇量我，俾我6支先，勉強頂到，好不容易先捱到中午飯，去左沙田一間茶餐廳到食，咁送左例湯黎， 攞起隻匙羹，我屌，提唔能起，右手已經硬能曬，我要用個頭壓低黎飲湯，心諗，仆街喇，重有半日點捱，好，食完飯，又推過，又熱又曬，已經出到沒曬汗，我知再唔飲水，一定會死，我愉雞經過7-11買支野飲，一野飲曬都唔夠，但起碼有返汗出，到岩岩放工時，佢地問我返唔返第二日，我話唔返，第日就辭職，好敬佩佢地，份工真係唔簡單。

由朝坐到晚
運動少
週身骨痛精神壞
無佢o黎保養
快蒼老
易捱壞
我地咁辛苦
擒高擒低靠腰力
靠腳力
調保身體最緊要
病君咁樣點搵食
鋤得多
傷氣力
消耗一定要保充
唔洗失威悲到極
你哋諗下啦
噫!!! 咪講笑
快啲食

值唔值睇供求啫
試下返一日先再講，做到周身傷 老咗又周身勞損
2600一日，唔係日日有工開呢
仲要睇個判頭多唔多盤返嚟

Old news 喎

篇野好似早排見過