見到網上評價唔錯，就買左EGO 既尿袋。
點知用唔夠兩次 個iPhone 俾佢差到彈左個overheating ge notification ，尿袋本身都辣手到火屎咁。咁襯佢有一年保養，拎上佢觀塘門市叫佢整。
結果就黎料，首先個staff 有意無意就話我人為因素整到壞左，都算數。然後個staff 竟然就咁放尿袋上部電話，同我講差到電，反問我點樣有問題。最誇張係，全程15分鐘，個職員唔係檢查個尿袋有咩問題，竟然係要求我俾我部電話俾佢檢查，真係黑人問號。 宜家你賣尿袋姐，個客部電話都關你事？
事實上，宜家個尿袋問題係過熱，唔係差唔到電。最後仲要唔肯同我換貨，叫我放低俾佢所謂檢查同研究。
我就17/12 擺低，宜家過左一個星期有多，隔左4日我再打去門市，又係無回覆。我就放長雙眼睇佢幾時會覆。
真係未見過一間野售後可以做到咁一塌糊塗。未買尿袋既記得睇呢篇野，引此為鑑。
（btw,其實有邊個會特登走入左塞右塞既觀塘去為左呃你個價值$200既尿袋
係有問題?)
