【聖誕特別篇】《職業魔法師：死神和勘星者也不想聖誕OT》

成個故得最後份禮物我係估到

最強結界師係唔係姓古

但已經死左？

仁仔有所羅門眼個陣，古sir應該死咗好耐，施子雄都係監獄走返出嚟

大佬俾條生路行下

有正式結界師就唔使咁煩啦

唔緊要
假期特別篇重點係輕鬆開心
同平時一樣，應該

第三集會講

二零二二

那是少年與少女認清自己所愛的故事。



少年的名字是馬川遊。



少女的名字是童桐。



這是馬川遊與童桐認清自己所愛的故事。

《青梅竹馬真係最難追》

這是少年少女尋找自己能力所及之事的故事。



少年的名字是范普仁。



少女的真名為凌晨月。

《職業魔法師ＩＩ：神威破滅．獵戶座的終末勘星者》

這是少年少女尋找自己真正使命的故事。

少女的名字是凡塔莉雅。

少年的名字是阿立。

《格拉斯頓戰記：與魔王在異世界以討伐魔王為目標》

這是少年少女辨清需守護之物的故事。

少年的名字是陳望及。

少女的名字是嚴詩律。

《織田信長與校城島圓桌騎士團》

仲有短篇副連載！

《我喺交友APP度Match到自己》

《荒域漂流》

最後係第一次出既周邊


青梅竹馬既明信片

https://youtu.be/Oh8mhNLZGUY
末日III既主題曲

結束呢個回合。

大家好我係好耐無出現既陳立正，先恭喜大家係活過左2022年了！！大家好波！啪啪啪啪啪啪！

今年都係一定出故出故打文打文，當然絕絕大部分都係我自己鐘意既，特別係青梅竹馬故，更加係取得我意想不到既成功，至於出書就要繼續睇下我財政情況而定。今年既主連載其實比較少，魔法師II其實係２０２１年開始寫，只係完係２０２２年所以先計物落黎，然後就係青梅竹馬故，然後就沒然後了，當然我係patreon略略有提過點解係青梅竹馬故後咁耐都唔出新既主連載，但都無咩大不了，預計下年就可以回復正常既產量。

除左常規既「連登主連載＋收費副連載」，今年一個新嘗試係短篇副連載，以每月一個故既方式連載，可以試多D新題材，追起黎亦無咁吃力，暫時我係鐘意呢種方式既，自己寫得開心讀者亦有新觲感，但係因為下年仲有Ｄ計劃，預計下半年先會回復呢種模式，至於下半年有咩搞作？還請等睇等陣既「２０２３展望」

如果話今年有咩遺憾既，我諗就係青梅竹馬故既收尾，比較多讀者話唔太滿意／覺得發展比較唐突，當時已經講左好多次了，就唔再解釋，就我自己而言，我寫左我想寫既故事，我亦鐘意我所寫既故事，睇返當年讀者既反應我亦滿意。所以我亦打消左咩重寫結局既諗法，但願當時既感動，當時既治療，心痛，係你心頭泛起過漣漪。

青梅竹馬故當然如我所講係BASE ON我唔同時期既經歷，體會，領悟而寫出黎，我亦以「出書」為目標去寫，例如壓縮字數，加速節奏之類既操作，並高成本（就我荷包而言）搵黎左專業畫師去畫封面圖，大概呢個故會令我繼續沾沾自喜一段時間，希望２０２３年有機會超越但我覺得機會唔高，因為２０２３有２０２３既計劃。

魔法師II，我算係寫到放飛自我，因為我真係好撚鐘意魔法師既世界觀，而且第一集出唔到書既話第二集更加唔使諗，我就完全唔撚理了，咩都去到盡，寫自己最爽最擅長既劇情，雖然結果真係又血流成河，但我成日都會睇返轉頭津津樂道。職業魔法師既三部曲都係會２０２３完，但係呢個世界觀係唔會完，因為呢個世界觀係由我小學雞時代就開始建構，所有魔幻作品都會係呢個世界之中上演，而大家亦請多期待沈醫生，千雪，阿仁，晨月同可柔之後既活躍，我寫呢個故個時真係好樂在其中，人中二，人就快樂。

Patreon就一次過講，魔王故既第二集，當年同魔法師II同步結局，算係一個新嘗試，亦打開左一個新路線，呢個路線只係萌芽，我都好期待未來發展。當然魔王故建構出異世界「格拉斯頓王國」亦會繼續發展落去，我唔太想寫每個異世界故都要由頭設定過晒D野。校城區圓桌騎士，又係一個由我中二病諗法而萌芽，誕生既故事，蒙面英雄X風紀隊長，無秩之善VS守秩之惡，雖然望落反應唔及其他故，但係我依然鐘意呢個故事，應該話我寫得出既故事既前題就係我自己一定要鐘意先。最後就係實驗性質既短篇副連載，老實講真係好實驗下，而且都係建立係我一剎那既靈感上，題材通常會突破D，我自己其實寫得幾開心。

２０２２大概係我人生中最重要既一年，無論結果係點，２０２２都對我既人生軌跡造成左不可動搖既影響，多謝你地，多謝你地仲支持陳立正，陪我出文，陪我既角色一齊喊， 一齊笑，出生，入死。

２０２３既一切對我黎講都會係好新鮮既初見，我寫下既故事會繼續落去，而我本身既故事當然亦會繼續落去，感恩有大家，更代表筆下所有角色感恩有大家陪住佢地，即使作者寫得一個角色再生動，唯有得到讀者既關心，注目，呢個角色都係真正地活過來，呢個故事先至由虛構獲得現實既重量。

等陣我會更新２０２３既展望同預告，我地２０２３年再見，２０２３年，還請看官們繼續注目我寫下既更多故事。祝大家２０２３年健健康康，順順利利，一切平安，一切安好！新年快樂！

～陳立正．將會回歸～

回顧竟然係within 31號 (HK time)

你信嘅唔只係自己
仲係信我地信你

二 零 二 三

他的聲音在震抖。

「沈默然…白千雪…凌晨月…范普仁…溫可柔…醒啊…！唔好，唔好啊！求下你地，求下你地…」

巨大人影覆蓋了少年跪於地上的身姿。

他抬頭望天，天上無光。

「最後，最後既最後，我地又再返黎呢度，我追左你真係好耐啊，活佛大人。」

「你…康天賜…你！」

「佢地五個好勇敢，亦試過戰鬥，所以證明你根本無同佢地講真話，係咪？」

獵戶座天文台已解散，北斗會館亦倒下，昔日的維多利亞城，昔日的職業魔法師，已經蕩然無存。

「即使維持千年，謊言亦唔會化成真實。」

千年的謊言，來到了被揭穿的時刻。

「幾千年，我受夠，我今次唔會再講大話。」

百世的守候，迎來了最後鐘聲。

＊＊職業魔法師．終章＊＊

「如果你仍然未放棄，就回應號召！」

男人立於戰場之中。

「抬頭望喇！天再黑，獵戶北斗依然閃爍！天再光，即使無人見到，白晝星辰依然會守望住維多利亞城！！」

男人頭上有星座閃爍。

「吾名為施子雄，在此敵擋虛假偽神！！——靠晒你地五個！！」

《職業魔法師ＩＩＩ：活佛戰爭》
（暫名）
２０２３年，秋

＊＊＊＊
＊＊
＊

向弱者伸出援手。

「你本來話過會保護我地架…！織田信長！！」

為惡人降下制裁。

「話過要保護校城區既人，唔係你自己咩，嚴詩律。」

或者對二人來說，這都是過早，過於沉重的戰鬥。

「…對唔住，好…好對唔住！」

道歉，沒能止住任何人的眼淚。

「愛滋病史上，曾經有人試過被治癒，而佢地既共通點都係因為移植左帶反愛滋病基因既骨髓先根治到呢個絕症。」

男人誓要斬斷這萬惡之病。

「透過基因編輯嬰兒，將佢既反愛滋基因利用精子卵子銀行等等擴散開去，下一代誕生既人類就會漸漸對愛滋病免疫，百年之後，世界上就再無人會受愛滋病折磨！一個嬰兒，拯救全人類，亦即係…」

「聖嬰計劃。」

「你地明佢幾重要就好，交返佢出黎，織田信長！」

「即使佢終生都要被當成白老鼠困住，即使佢所有器官，血液，骨髓都要不斷被拎去研究，捐贈？」

夏蟲不可語冰。

男人放棄了說服。

「我，司馬懿，在此宣佈—騎士，織田信長背叛圓桌，更試圖阻止可以拯救全人類既聖嬰計劃。」

「我，嚴詩律，以聯校風紀隊隊長身份在此宣佈…自稱織田信長既狂徒依加開始係校城區既頭號公敵，更加涉及綁架。」

向弱者伸出援手，為惡人降下制裁，織田信長心中的正義，心中的信念，還能堅持多久？

風雨飄搖的最暗之夜中，唯有自己不能背叛自己。

《織田信長與校城島圓桌騎士團》
第二季：聖嬰計劃篇
（暫名）

———
——
—

許少傑贏取了存在的證明。

楊子平尋到了存在的意義。

現在，在方舟城８５２之中，少女將會——

＊＊末日系列終章＊＊

「即使黎到依加，世界末日依然逼近之中。不過請放心，按末日之鐘計劃，距離世界末日仲有八百年以上，亦即係話任由現時新地球上既文明發展，八百年後就會迎來世界末日。」

身穿軍服的少年少女正襟危坐，當中第一行最側的少女臉上的表情雖然冷淡，但一頭淺金長髮總是引人注目。

「正因為咁，我需要你地去幫我，幫我繼續將世界末日倒數推後，將威脅文明續存既文明癌肅清，因為我既被創造既目標，就係保護人類免於滅絕於世界末日。」

她是在場最特殊的存在，並非乘方舟而來，也非於新地球上誕生，而是越過時空，越過星海，越過彩虹之橋而來的少女。

「由我阿當為你地介紹，呢位係你地既隊長—莉莉．楊．勒菲弗爾。」

從末日而來的她，手執著的早已不是當年的那把刻著故人名字的武士刀。

＊＊＊陳立正，系列終章鉅獻＊＊＊

「本來我應該死係末日之中，就好似其他人…就好似絢香佢地咁。」楊子平說，「乜鳩末日博物館顧問，我…我…」

即使逃離了，也不代表解脫。

連向晴也不知應該如何開解眼前這人，這個被阿當高舉為英雄—末日中活下來的人。

「為左你個女你一定要撐住，阿平，你係好多人既英雄。」

在世界末日下活下來的男人聽畢，只是冷笑了一聲，嗤笑著不知誰。

「今日既事，我會代佢向大家道歉。」言寄葉輕抱楊子平說，「阿平已經好過一開始好多，所以…點都好，阿平，我會係度，一直陪住你。」

身在的是高潔的方舟城８５２。

昔日狼煙戰火已成過去泡影，末日之後已逝千年。

末日之後，我們又應以甚麼方式存在？

也許換一個問法吧。

「如果一切必迎來終結，我們應以甚麼方式存在著？」

二零二三年 一月下旬
連載開始

「世界好殘酷，亦充滿惡意，我地既日常生活或者往往見到不幸，但係我地永遠可以選擇點樣去回應世界。」

「即使命運點對你，世界點對你，你總有選擇點樣回應既權利。如果你可以溫柔咁對待呢個殘忍既世界，如果你可以用善良回應憎恨，可能正因為你咁做…其他人眼中既世界就會變好左少少，變可愛左少少。」

「或者係遙遠既某一日，某一度，某一個人眼中，你就成為佢覺得呢個世界值得佢去愛既理由。」

二零二三
故事將會繼續上演
多謝支持

仲有一個月時間睇埋方舟爭奪戰

啱啱睇晒末日系列，而家好期待末日三

多謝你

我多謝你先啱啦，寫到咁正嘅作品畀我睇

幾時岀

月尾
不過都寫緊

這是少年少女尋找存在方式的故事。

末日後三千年的時光已逝，方舟城８５２之中，步過末日的少女拔出了那把武士刀，指向了眼前的那個人，即使最後是他，少女眼神中沒有一絲屈服。

一切，一切，都引領到這兒。
一切，一切，卻從那兒開始。

那是舊地球年的千禧前夕。

當時的她抬頭望天，眼中只有蒼輝星河。女孩沒有發現他根本不是在看頭上的點點星宿，清澈的雙瞳卻始終凝視著女孩的雙眼，不知是看著那動人的雙目，還是她雙目中星海的倒影。

但他願意為了眼前這女孩而毀掉世界。

「文明癌，認定——開始肅清！」

《末日後的那些人》

作者：陳立正

２０２３年１月２８日

連載開始