作為一個九十後想比年青人幾個忠告

唔經唔覺22年又得返一個幾星期 呢一年你過成點？ achieve左啲乜？ 有冇學習到乜嘢去豐富你人生閱歷？ 90後呢個詞語開始係由年輕代表變做中年人既代表 90後算係見證呢個世代好多野既大轉變 無論係香港定係全世界各地 以下幾點好想年輕一代好好記住


1.要接受人開始真正長大 身邊真心朋友會愈來愈少 甚至乎會冇曬朋友 唔洗咁在意

所謂道不同不相為謀 冇一個人人生嘅步伐同你一模一樣 合則來不合則去 你要知道你想得到嘅同其他人想得到嘅永遠都有唔同 唔需要因為冇咗朋友覺得悶悶不樂學識獨立你先至會真正成長 將越大嘅應該識得同自己相處知道自己想點唔需要其他人同你分擔

2.接受呢個世界唔會有絕對公平
人嘅出身根本係改變唔到嘅命運 唔好再咁在意sunk cost 唔接受只會悶悶不樂唔會令事實有任何改變 負能量只會令你人生更加唔開心 雪上加霜 你應該諗吓點樣可以改變現狀 可憐人必定有可恨之處 好好裝備自己最實際

3.接受其他人嘅成功唔好同其他人比較咁多
連登仔最鍾意眼紅人 覺得自己自命不凡 全世界都好似欠咗佢咁 其實呢啲人先係最可悲 偏偏呢啲失敗者佔咗大多數 同人比較你永遠都唔會做到最好嗰個因為永遠都會有人俾你做得更好 就算Elonmask都冇可能永遠做到首富 咁點解你仲要唔抵得其他人好過自己 而唔係諗下自己點樣進步呢 其他人成功背後付出嘅你永遠都見唔到

4.停止埋怨自己父母
同樣自己嘅父母都係冇得選擇 係sunk cost
就算父母點樣差 大部份都係想你有好日子 佢俾唔到啲咩你點解你唔自己爭取 有幾多成功人士細個係未捱過苦？ 明白自己父母嘅苦衷唔好下下要求人哋為你付出諗吓自己點樣可以有限嘅資源下做到更多

5.知道自己人生其實唔係有咁多觀眾 唔好害怕失敗
好多人都怕失敗 怕俾人笑 怕自己會被比下去
所有嘢都係藉口 其實呢個世界冇咁多人care你成功與否 最在意嘅其實只有你自己 因為任何人再Focus嘅最後都係自己 除咗你父母同屋企人有邊個可以無條件為你付出呢？ 在意其他人嘅目光其實係愚蠢嘅行為 經過不停嘅失敗先至學會成功係真嘅

6.時刻保持良好嘅身體狀態
人冇事先做到世界冠軍 人到30你會發覺身體有啲地方唔聽洗 保持良好體魄你先至可以做到你想做嘅嘢 相反冇咗健康付出嘅代價比任何嘢都大 好簡單俾你有100,000,000港幣但係要坐輪椅一世 你會唔會制？
所以開始在意自己身體健康報咗健康嘅身體任何嘢你都唔會再享受到 有錢都唔會快樂

7.放棄令你停止進步嘅關係
幾靚嘅外表隨着年月都會改變 你同你嘅另一半都會
但係人性唔會咁容易改變 如果你仲沉淪喺一段令你停止進步嘅關係 我勸你及早離場止蝕 唔使多解釋 人唔進步就會退步 因為你身邊其他人都進步緊而你停滯不前就等於退步 時間唔等人無謂再浪費光陰

8.行動緊要過right timing
你永遠捕捉唔到最好時刻如果你成日都等緊最好時刻你成個人生就只會白白浪費因為永遠都唔係最好嘅時刻

而家啲九十後真係

已經勁到要俾忠告年青人

Thx 樓主
今年fg有啲迷惘，工作方面唔太順利，每日返工又大壓力，見住身邊啲朋友人工高過自己，成日係到諗幾時轉工點樣可以增值自己

22歲已經咁

人地講緊2022年…..

樓主你走先

3.接受其他人嘅成功唔好同其他人比較咁多
連登仔最鍾意眼紅人 覺得自己自命不凡 全世界都好似欠咗佢咁 其實呢啲人先係最可悲 偏偏呢啲失敗者佔咗大多數 同人比較你永遠都唔會做到最好嗰個因為永遠都會有人俾你做得更好 就算Elonmask都冇可能永遠做到首富 咁點解你仲要唔抵得其他人好過自己 而唔係諗下自己點樣進步呢 其他人成功背後付出嘅你永遠都見唔到


男人打扮下就話人mk 話人gay 曬下錶袋就話人深圳A貨 曬埋車就係保險佬倫敦金
女人就曬咩都係雞
得罪講句 深水埗恩記龍躉大王劏魚都劏到住淺水灣獨立屋豪宅 揸法拉利 帶隻滿鑽金錶劏魚 唔去參考下人地成功
日日係又濕又霉既爛閪公屋對住個電話mon恥笑呢個嗰個
就體會到成功不是必然 首先要學識尊重成功
你連人地既成功都唔肯去承認同尊重
你覺得你憑咩會有成功？？？

家下啲九十後真係唔捱得

好post
多謝你🙏🏻

第三點好認同

其他人呢一刻好過自己都好，都唔好因為咁而妒忌人

因為可能人哋衰嗰陣冇同你講，自己默默承受緊你唔知

甚至未去到大家臨死前一刻，你永遠唔會知其他人係咪真係好過自己

心態影響行為，行為影響人生，各位90後加油

利申：上年到今年都衰撚到貼地不過點都好，唯有繼續過好自己生活，做好自己本份

十年後改00後又一篇文

唔係話針對幾多十後，但樓豬係90後

90後最大嘅已經32，俾下意見唔過份

講得好，
連登既價值觀係害撚左好多人。

後生仔冇獨立思考能力上得多連登會變得偏激，憤世疾俗，邊緣化之後再躺平就一世。


不過講真話既post 應該好快沉底，或者好多hater 黎駁你。

睇comments前都估到
一定大把連登仔question我算老幾
大把人自命不凡 覺得我憑乜係度9up 比忠告人
同樣地 預左有班人乜都屌 乜都唔認同
我自己唔算係咩成功人士 但又未到好common
會考5a al3a( al not as)
神科grad 冇父幹一樣幾層物業揸緊拉利
月入有連登fg 十倍以上
一定大把人叻過我勁過我
又或者有人會舉例邊個邊個勁過我
再唔係就屈我吹水 又或者屈我撈偏
唔信唔緊要 haters gonna hate
心態決定境界 與其眼紅人地令自己好過啲 不如學下點接受人成功好過啦
眼紅唔會令人地過得差左 只會令自己停滯不前

連登仔不嬲乜都屌 唔洗咁上心

I dun fking care
心態決定境界 道不同不相為謀
有爸打你認同就夠

Agger
外加
1）做人謙虛d千祈唔好成日以為自己叻曬
2）慳返d時間放棄無謂社交
3）盡可能唔好委屈自已做d唔想做嘅嘢eg出席無聊飯局，盡量做返你自己
4）唔好同人比較
5）揀人品好正直又會講真心話嘅人做朋友
6）唔好同人解釋你自己
7）盡量become non-judgemental
8）收口盡量唔好講事非&遠離熱衷於講是非嘅男男女女否則人地講完第2個就開始講你
9）遠離小人同玻璃心人士
10）be nice

講得好好👍🏻