以前有 Ariel Project
係香港地下偶像文化岩岩起步既年代，由乜資源都冇，到後期可以去到日本搞到佢自己既one man live，為香港地下偶像開左個先河。依家就算日本自己地地下偶像都未必可以開到oml，所以佢地真係無法想像咁勁!可惜已經冇機會再現場睇到佢地既表演
依家有 乙女新夢
雖然由出道開始到依家都係不停比人攻擊，話唔靚女學乜人做idol呢啲已經係基本，但無可否認佢地既努力真係有成功到。佢地成功將地下偶像帶到上大台，由九展到麥花臣再到亞博，冇人知佢地背後花左幾多努力、幾多心機。但就係因為佢地唔理會其他人既眼光，堅持到依家，先可以令更多人接觸到日系偶像既文化
當然仲有好多出色既組合，例如Ruler、Night Palette、アレシア等等，就唔詳細講了。有興趣可以自己去睇下，youtube都有好多片可以睇到
咁當然有好既都一定會有唔好既，但我又覺得唔洗下下都鬧左先，因為有一部分真係素人出黎，可能呢一刻佢地既表演真係唔好，但佢地都有進步緊，可以再比啲時間佢地，如果真係唔岩既，咪自己過濾左去
其實講咁多，都係想大家多啲支持香港地下偶像呢個文化。大家可能會覺得我要睇偶像，點解唔睇返日本嗰啲？無錯，香港嗰啲冇可能做到個個都唱得跳得，亦冇可能個個都好靚女，但可接觸系既感覺真係會唔同，同埋會有一種你睇住佢成長既感覺。而且佢地既活動都好多下，一個月多起上黎可以見到6次以上。如果你本身有睇開日本既偶像，香港咁多團咁多個好女仔，總有一個會帶到驚喜比你！冇睇開既都可以試下慢慢接觸，你會發現偶像呢樣野其實冇咁難去接觸，可能大家只係比「睇偶像既都係毒撚」既固有形象捆綁住。
其實依家已經係香港地下偶像飽和既年代。將來都只會係愈黎愈多新團既出現，但如果粉絲群唔擴張既話，只會黎黎去去都係得同一班人去睇。咁多團其實唔會睇得晒，所以真係好希望會有多啲人試下接觸呢個文化！
個人大推Maho
