八年, 由讀書去到出嚟做野
身邊d人開始結婚,
我覺得事業未穩定, 唔結住, 你忍
我同你屋企人之間有隔閡, 令你左右做人難, 你忍
每樣野我都認為係理所當然, 拍拖八年去到老夫老妻咁既地步
你有你付出嘅愛, 我都有付出應當份量, 我以為咁大家就可以一路行落去
去到今日, 我地嘈起上黎,
讀書個邊嘅另一個佢對你噓寒問暖, 就馬上俘虜咗你嘅心
原來改變一個人真係可以係幾日內嘅事
你熄last seen 以為我會可以忍住唔望
你由以前幾忙都會抽時間覆 去到半日覆一次甚至覆都唔覆
我想抽身 但係每個角落都有你既影子
房既角落擺左你既梳洗用品
打開銀包有同你既合照
得你先會用既風筒仲放係床邊
你送既各種生日禮物, 聖誕卡仲係我張枱上面
理性話我知係時候要放手, 佢有佢既選擇權, 係時候要move on,
人地都唔介意你浪費佢青春你仲介意乜
但感性話我知嘅係每一口呼吸都係窒息, 可以連續24小時唔洗食野
每晚都失眠, 連3個鐘睡眠時間都係奢侈
我是一個將近三張的死毒撚, 連可以傾訴嘅朋友都冇一個,
佢離開後我覺得好似成個世界崩塌咁款
我不斷係感情台尋求相近情況嘅建議
每個都係話交比時間解決、用其他事塞滿個schedule唔洗再諗佢
但係我呢段時間每一秒都係煎熬
做咩事都係諗緊同佢一齊做
救命
