想請教，有無人試過上架HKTVMALL之後唔同佢續約？
依家我公司個情況係，做咗HKTVMALL一年半，合約今年完，收到佢Email話嚟緊續約收2萬5年費，我地唔再續咪回覆Email話唔續囉。點知佢覆Email話呢個係通知收錢Email, 之前已自動續約。我下咗出嚟 WTF？收錢有個通知Email, 續約就一個通知都無。而HKTVmall最衰係，簽約上架前有sales好快回覆同服侍，簽約上架後嗰啲客戶經理，彩你有味，問十句，十句都唔覆。佢有個人工線上對話，又係叫你Email, Email咗佢睇心情覆，商戶嘅要求查詢大部分都無回覆。又無電話，真係做到好灰，唔想續約都唔得。
另外，如果有小商戶想上架，俾個心理準備你，食死貓罰錢多。所有客嘅問題/錯，一律入商戶數；所有第三方運輸打爛/遲入倉嘅錯，一律入商戶數，不停罰錢。
講遠咗啲，所以，其實我想問有無人試過唔同HKTVMALL續約？點樣做最有效再快？因為我已經好積極Email同人工線上對話聯絡HKTVmall，但都無人理我，灰心到一個點，先要上嚟問下經驗人士意見。