發現食好多野都會流牙血，戴口罩又口臭
但一直好怕痛所以唔去洗結果就惡性循環，越唔洗就越多牙石，越多牙石就洗牙越痛，之後就越唔想去
最近唔知點解的起心肝去洗牙
因為太驚所以搵左一間都幾貴既去洗
我好單純咁諗如果係洗得唔好既，就應該執左粒好耐
去到之後睇牙，雖然我冇洗牙20年，但每日都會刷3次牙
所以除左牙石多D外，冇蛀牙亦冇大問題，只係輕微牙周病，洗牙就OK
唔知係真係比貴d係唔同，定係本身係我overthink
洗個時其實唔痛，甚至可以講係舒服到訓教，就好似飛髮洗頭髮既感覺一樣
雖然洗完好多血，但都係expect之內
洗完之後，d牙都白左（洗牙本身唔會令到牙白，但本身牙太多積既話都會變黃，洗牙洗走ｄ積自然白d）
最重要係完全冇哂口臭，係戴口罩呼勁大啖氣再大力吸返都完全冇味，係完全冇味
口水都變埋冇味，先知原來人既口水係可以唔臭
牙齦變返粉紅色，健康哂
結論係，好耐冇洗牙既唔好去怕，搵間好少少既洗之後隔半年再去返d cheap野洗就ok
好處真係太多太多
btw我都係牙齒衛生員洗，好多人以為牙醫洗先好
但其實牙醫好少洗牙(賺太少錢)，所以手勢可能反而冇咁好
而牙齒衛生員洗牙洗得多，又會唔怕賺得少求其好快咁暴力洗你
