我31男 結左4年 無小朋友
真係愛佢先結婚 一直好恩愛
好簡單咁生活 大家都好夾
好有默契 好多野佢知我想點 我知佢想點
我地對大家都好信任 仲成日拍拖仔
老婆個朋友 33歲 叫佢C 先
靚女 身材fit過我老婆 但有小朋友 失婚
有錢 一個都養得起小朋友有餘
我老婆都好靚女 成日比人以為mix 少肥
我最近中意跑步
咁岩老婆唔中意跑
呀C咁岩住好近 又係最近先中意跑步
咁呀C 我同佢本身都都因為老婆關係
成日成班一齊食飯 都識識地咁
仲會成日互去大家屋企 開p 吹水 食飯咁
但一直無咩私約同傾
是咁的
吹吹下知佢都開始跑
問左老婆拎佢電話 老婆都批准 同信我地
咁就耐唔耐約一齊跑 有d 相關野就互相forward咁
約出黎 一星期一次咁 有時3-4人 有時得我同呀C
我同C 變左好朋友咁 咩都會講
跟住咁岩最近我地3個清假 一齊放7日
7日見足5日咁 有2次又係我同c 出去跑步添
慢慢 我發現 我會等佢覆我 佢hea 應 我會心入面介意
佢應完 無再應 我都會諗下野同佢講咁
最近 佢少左搵我 hea回一個emoji 咁
以為絕對唔會咁 我發現心入面少少難受
可能佢知我地都有feel ? 因為 早排成日講好多野
我知我仲好介意我老婆 會怕佢唔開心
我次次搵C 都老婆批准先去 我會擔心老婆多d
但我又會想搵C 不過我都知同C 無可能
因為性格上唔會岩 就算開始到都係會分手果隻
係老婆岩我多d
但又會想耐唔耐搵C 同好enjoy 同佢去跑步既時間
可能係想搵番溝女既感覺
