歡迎想砌模型o既巴絲入黎 (169) 有能力就盡力砌

呢度連登清泉

你望返上面, 真係仲清泉?
只不過係將平日啲說話射出出面

算係咁架啦我尻黎都未出事

你是咪想要

幾好有種二戰/冷戰 feel
盾個舊化想學真係feel到好薄

dont gay

我記得好似係隻沙漠渣贏

https://gunplabuilders-contest.com/canada/work.html?d=tyhqhvs0

BTW U21隻冠軍真係冇問題？

我真心覺得個鏽蝕感好正

好似就係佢
真係好想知B社做咩鳩

其實係有好多野學既,岩唔岩自己用/識唔識用係第2件事
我係度最少睇到香港好少人會玩到既技巧
1)用模型本體表面質感,同埋效果油代替用面油做表面處理
2)用超過2-3種既色去做wash,令唔同色既件保留返個色相而唔會一次走哂去暗/灰/綠等等常見既wash色
3)做舊化效果時除左顏色,連水貼都整爛埋做舊,同埋用唔同既甩青/少少鐵片脫離去襯托
4)冇特別去做刻線同滲線,用哂噴既方法去帶立體感出黎,但立體感全部都好出,又唔會燶邊到出左戲

1)嗰樣我諗你係講casting surface效果
其實喱招老派技巧我第一次聽嘅時候係讀緊degree嘅時候
喺Industrial centre上training嘅時候一位阿sir教嘅
當時係唔知點解俾知發現我有砌飛機, 跟著佢落堂之後同我喺到吹水
提到可以用綠蓋膠水搽面之後用面相筆tap落去做出零戰尾舵嘅「布紋」
(題外話For唔知up乜嘅巴打, 二次大戰時期所謂嘅全金屬戰鬥機其實好多活動翼例如副翼同升降舵都係布/纖維製成)
喺大比例螺旋槳飛機, 蘇系戰車作品常見
其實有返咁上下資歷嘅香港模型人砌喱類作品都好大機會見到
只不過係佢哋都比較低調同未必會有心機拍片講解
當然, 喺西方模型圈子喱招都唔少見, 因為佢哋主流就係砌開軍事模型
有啲會用一層畢地鋪面先做, 而我自己都比較鍾意喱種做法

我幾中意依種軍模咁既feel

好返8,9成 唔該

Poly IC?

全香港得1個IC嘅啫
讀邊間U都係過嚟Train架啦

係，呢樣野做機械人少見，我冇睇軍模車模所以少見d。
除左呢樣，佢應該有d 巧妙咁玩質感，我估緊佢唔直接用市面買到的wash用亞加力油同油彩呢d半消/消光質感既油做舊effect去當消光用？

加一層感覺要磨返滑少少都安全啲冇咁入肉同埋灰灰哋易睇啲
香港玩軍模班呀叔唔聲唔聲其實好勁

其實現代機械層外甲有幾可會係佢果種「鑄鐵感」？

睇車、火車地鐵、飛機，都好似唔會見到佢果種質感

係都唔奇, 我自己用油彩漬完一次乾咗之後都係乜光澤
如果啲油彩沉積得分佈的確有少少似消完光

我都同意其實好多香港玩模型不論高達/軍模定其他種類既玩家都好勁好專業，不過單純係呢班人好少放上網/拍片分享

隻紅渣如果分開睇，佢個d舊化技巧或者鑄鐵感的確幾有feel。但成隻計我第一眼都覺得怪怪地，主要我諗係隻模型本身個造型同比例唔太好，佢又冇改比例個d只係舊化，所以望落有d奇怪

因為依啲都唔係用嗰種材料做。
渣古設定外甲係鋼造（設定叫超高張力鋼），所以参考軍模坦克咁搞唔奇怪

可能同上面一樣,香港玩軍模既人唔聲唔聲既好大原因,
係因為一貼出黎有高規格對待
會有d人黎幫你考據,
馬路用既車唔會有水陸兩用車咁多泥,
呢架機個水貼貼錯左國家,
呢個塗裝用係唔知邊架車會更岩
防彈裝甲唔會咁多彈窿果d評語
搞到人地唔想貼

我覺得加畢地做仲有一個決定性因素係軍事模型上面本身有唔少夾口位要抆咗佢
咁樣用畢地就可以一次過整頓好成個surface甚至成件parts
典型例子就係T-34個鑄造成形炮塔
但以渣古嘅分件嚟講的確係可以省略

算數啦, 佢都拎得出火車地鐵嚟同渣古諗
喱啲撚有「甲」咩, 講經咩又唔望下地鐵啲轆
但都補充返少少
就算係HTSS都好, 其實都同鑄鐵(Casting iron)冇關但同「鑄造紋」本身個視覺效果有少少關係
用返兵器, 或者應該話用返佢哋創作高達嘅時候參考嘅時代做例子

喱架係T-34, 經典嘅鑄製炮塔可以見到同車體Texture完全唔同

喱架係英國坦克博物館珍藏之一, 保時捷Tiger II
可以見到成架嘢都係平整得多, 因為德軍坦克裝甲係用軋製(Rolled)裝甲板
which, 比較接近你所講嘅HTSS
但如果認真少少望多幾張就會發現

其實都有一定程度嘅粗糙質地
但諷刺嘅係, 相中Tiger II嘅鑄製炮盾(主炮根部錐形外套嗰件)同外面軋製裝甲粗糙程度相差唔遠
所以討論材料本質其實係意義不大, 何況科幻設計
因為表面處理嘅質素足以改變外觀, 如果唔係要電鍍零件嚟做乜?
講到底就係佢自己對「還原」、「美感」同「想做」嘅平衡, 然後用喱種風格表現喺架渣古到
喱啲咩設定相關嘅說詞查實都係上面三大要素嘅某種說服自己說服人哋嘅表面說詞
對於崇尚簡單乾淨為基礎嘅人, 對於崇尚爆拆樣刻線/碎甲嘅幾何美學嘅人
本身美學思維已經南轅北轍嘅人而言, 喱啲表面說詞就係bullshit

文人相輕, 自古而然