好開心呢,之前訂左條龬帶終於到。之前膠帶look 都好睇,但最想配鋼帶。
我記得讀書時都想要隻鋼帶錶,但嗰時無錢亦唔知揀咩,所以都係求其戴便宜錶,好易入水好易壞嗰種。
到出嚟做嘢,有錢買自己鍾意嘅嘢。我都係近幾年先知我學生時想要嘅係鋼帶運動錶,我想要隻錶鋼之餘都襟撞,想自己好有男子氣概。
之後左揀右揀,睇討論區、睇YouTube, 睇錶鋪,我記得係睇urban gentry 段片講top survival watch,Victorinox INOX 係一體機殼,除左錶底外用一舊鋼雕出嚟,而且用坦克車碌又或十米高跌落水泥地面都行得。運動鋼錶唔計gshock 應該係INOX最硬淨,但我又覺得metal g shock 唔似一隻「鋼」錶。另外都想要潛水配鋼帶,但內心個分類係潛水錶唔係「運動鋼錶」,而且多個錶圈就會多個結構弱點。
之後揀顏色,紅色太sharp 黑色太死,藍色實物覺得唔夠靚,其實綠色都唔算靚,但比較鍾意綠色。
缺點係螢火幾弱下,而且錶面唔算最清晰,如果係field watch 或pilot watch 錶面就更上層樓。但可能咁正正俾籍口自己買pilot 同field?
點都好,滿足左細個想要鋼錶嘅心願,估唔到要十幾年先實現。以後出街同人撞錶可以撞贏人哋,當自己練鐵線拳。
