《就是青春》收視由0.3點跌到0.2點...

《就是青春》平均收視0.2點 愈變愈低 七羽仙：唔係有師傅加持就飛黃騰達

【明報專訊】HOY TV選秀節目《就是青春》多波折，播映以來因收視0.3點（約1.95萬觀眾）受壓力，又有參賽者確診令節目暫停。上月底變陣，以新錄影廠及改為周一至五晚上10時半的新時段播映，並請玄學家七羽仙在開廠日「旺場」，可惜新景象未能挽低收視頹勢，甚至跌得更低。《明報》獲「CSM媒介研究」的《就是青春》與播映前後的節目收視成績，在新時段首周共播出5集，合共得1點，平均收視為0.2點（約1.3萬觀眾），12月1日最低跌到0.1點（約6500觀眾）。《就是青春》導師陳柏宇對節目收視未如理想，說：「我戥節目組擔心及心痛，大家也付出好多努力，唔抵！」七羽仙在開廠日稱節目有1點收視並不難，不幸言中，5集加埋只有1點。她回覆《明報》稱：「要天時地利人和配合，唔係有師傅加持就飛黃騰達！」

《就是青春》是余詠珊的「好好製作」出品，長時間籌備，據稱製作費達2000萬元，雖然作改動與優化，但對收視無助，「爛攤子」好難執。

一周播5日合共1點 最低0.1點
HOY TV原本周一至五的10時半時間播映韓國健康資訊節目《健康身開始》，收視0.6點（約3.9萬觀眾）；11月28日改播《就是青春》，過去一周，這時段的平均收視為0.2點、0.2點、0.3點、0.1點、0.2點。

查看12月1日HOY TV黃金時間收視，自製節目《一線搜查》1.8點、《一味傍身 世界通行》1.6點、《亞洲TOP TEN台灣篇》1.2點、《日日有頭條》到外購劇《蝕日風暴》2點；10時半緊接播《就是青春》跌至0.1點，接着播的《晚間直播室》0.4點及《娛樂頭條》0.6點，明顯《就是青春》留不住觀眾。

在《就是青春》轉新廠首日，特別邀請七羽仙「加持」。她接受訪問時被問及如何幫節目爭取1點（約6.5萬觀眾）收視，七羽仙稱新廠以木材為主要裝飾，木生火，有助大紅大紫，要1點收視並不難。

「節目少宣傳 對收視影響大」
七羽仙昨日接受《明報》電話訪問，對收視未如理想，她說：「宣傳是最重要，人氣明星也要宣傳，新人更需要宣傳，而節目就是少宣傳，現在有很多選秀節目也有影響。（加持都無用？）我try my best，都要天時地利人和，參加者的才華與觀眾喜愛度，唔係有師傅加持就飛黃騰達。」七羽仙亦提出參賽者欠自信也有影響，但這是互動的，若有更多人關注，參賽者會更有自信。

陳柏宇心痛：大家付出好多努力
陳柏宇為《就是青春》擔任導師，稱沒留意節目收視，知道之前收視麻麻，但沒強烈感覺，因無論收視高低，他也是這樣做，「我的出發點就是想幫參賽者成長，當然如有好收視會更開心。我覺得參賽者也不需以收視為焦點，他們就是好好享受這旅程，學習及爭取經驗，將來要在這圈子發展便懂得調節自己。節目有無人睇就由幕後團隊考究，安排什麼時段播、什麼內容及剪接效果，如何吸引更多觀眾也是他們去考究的。我戥節目組擔心，覺得唔抵，大家付出好多努力，但未得到預期效果，心痛」。

參賽者為低收視不開心
早前《就是青春》參賽者林躍翰、洪韻騏、梁樂童及阮偉倫接受訪問也提及節目低收視，他們坦言有點不開心，參加比賽是想更多觀眾認識，但這不是他們能力範圍控制到的事。

https://news.mingpao.com/pns/%e5%a8%9b%e6%a8%82/article/20221209/s00016/1670518051684/%e3%80%8a%e5%b0%b1%e6%98%af%e9%9d%92%e6%98%a5%e3%80%8b%e5%b9%b3%e5%9d%87%e6%94%b6%e8%a6%960-2%e9%bb%9e-%e6%84%88%e8%ae%8a%e6%84%88%e4%bd%8e-%e4%b8%83%e7%be%bd%e4%bb%99-%e5%94%94%e4%bf%82%e6%9c%89%e5%b8%ab%e5%82%85%e5%8a%a0%e6%8c%81%e5%b0%b1%e9%a3%9b%e9%bb%83%e9%a8%b0%e9%81%94

七羽仙?

乜撚垃圾記者連人地個名都打錯

個 HOY TV 都冇 promo，邊個睇

W.H.O

TVB過去個張志明做嗰啲旅遊節目係幾好睇，非旅遊嘅節目暫時都係算吧啦

見到係條肥婆搞出嚟
都知係收視低保證

撐hoytv 鬥倒viutv

本身改個咁既名都知套野柒
仲要神棍加持
咁唔仆直就出奇啦

佪神棍暗示：咩都唔關我事

余詠珊幾時先醒覺
自己上到位係因為好彩 同埋啲老細戇鳩信左佢？

七鮮乳

其實hoytv 覆蓋率去到邊, 之前有諗過追台但追唔到就無理過

呢個台之前話要做老人台
其實好聰明
好地地又要做返年輕人市場
太蠢

又話搭個景用幾十萬？
想睇下有幾巴閉

乜..春話？

都收唔到個台

參賽者質素問題，你出到個Chantel咁嘅靚女自然就會有人睇

新亞視

算撚數啦呢件就 變撚左馬蹄露

我都覺得好多人仲未追到台
九月尾話已經有九成幾，你可以再試吓

睇左一集
淨係見到個三面LED牆舞台已經唔想睇

我以為另一個人

do姐個節目頂多3點

先撇除個名同參賽者質素，其實個節目本身宣傳同播放都好有問題，根本就冇可能會高收視：


太早宣傳
九月尾十月頭先播，但七月頭已經喺度宣傳緊，拖太耐，有興趣睇都變到冇興趣


首播係咁改期
一開頭話 9 月 24 日（星期六）首播嘅

轉個頭又改咗期 10 月 2 日（星期日）首播，疑似想同《聲夢傳奇2》總決賽打對台，仲要喺 SOGO 大電視同報紙全版出曬廣告，宣傳 10 月 2 日播出呢個訊息

再轉個頭，又疑似縮沙改期 10 月 8 日（星期六）首播，啲觀眾唔會理你改期個原因，講好幾時首播，點知一開電視，個節目竟然失蹤咗，仲要連續捉迷藏失蹤咗兩次…


疑似腰斬無交帶
一星期一集咁播咗幾集，突然間個節目又失蹤，但完全冇交帶，個個以為腰斬咗，仲要停咗個幾星期先出來交代，話停三個星期，同會轉一至五晚日日播


又話轉大錄影廠嘅？
停播三星期之後，重新播放就係咁宣傳話會轉大嘅錄影廠，滿心期待想睇大成點，點知又播多咗五集係用舊錄影廠…



簡單來講，個節目好似玩緊捉迷藏咁，係咁避開啲觀眾…

真係好想睇或者本身想支持某一個參賽者，先會咁神心 keep 住跟進個節目改期改到邊日播…