麥明詩今天被爆出與32歲前機師盛勁為拍拖，雖然二人並未有回應這段戀情，但被人拍攝到二人一起甜蜜遊日，加上這段戀情早在盛勁為參加TVB選秀節目《衝上雲霄大選》時已開始傳出，所以大家也不意外。
林作公開要同對方打擂台（但係寫錯） 而盛勁為外型高大俊朗，相比起麥明詩前度林作高大不少，更有安全感。而林作自稱「抽水王」，知道麥明詩拍拖，少不了衝出嚟抽水，他於IG打了一段千字文，寫道：「本人正式身高為171CM，高過一般矮仔如167鍾賠生（鐘培生）足足4CM, 不算矮仔！但事到如今，我唯有發出公開挑戰書：本人現向（我唔識佢，上網話佢做保險嘅）盛品儒（盛勁為）發出公開挑戰：上擂台打番場，睇下高挑鬼命嘅你定係好似阿根廷烈山度馬天尼斯嘅我好打啲！」
林作稱贏咗對方要加入佢團隊 林作也不忘借此宣傳，表示對方打贏的話，便會加入他的保險團隊 ，「留意，本人入行三年來連續三年COT，連續兩年全公司最強招募經理，目前官至區域經理，樓下85人團隊，要買我同我條team過黎轉會費會係天價，估計你未必俾得起，仲未計#林作保險呢個全港頭五名保險品牌hashtag的商業價值。」 他又說：「光明頂幫我計過，可能值錢過一啲細保險公司個名。輸給我，你帶埋你兄弟姐妹（我唔識嘅，上網話你全家做保險），全部加入我團隊。轉會費估計冇我咁貴，貴都唔緊要，我自己同我老母有。大家win win。」
林作補充：我下半身好似黑人 我身高可能只有171公分，但係由於我細細個去咗英國食英國嘢，我上身冇好似陳凱琳細佬咁變樣，不過下半身就變到好似黑人咁。同我隻細狗Romeo一樣，不合比例地宏大
