點解咁多年青人走去做保安？

今日行街....撞到一個年青人...我諗佢都係十八歲多啲..
佢行係我前面....我跟佢尾...咁岩經過一間學校面前..突然走出一個丫伯/丫叔咁既人，丫伯見到年青人攔停左佢...
丫伯＝
年倩人＝

丫伯：噓，行去邊丫？經過學校都唔入黎探下我地
年倩人：無丫，趕去返工
丫伯：返咩工丫你已家？
年倩人：哦（停左一停），無丫，返保安
（兩人對話又停左停）
（丫伯拍拍年青人膊頭）：唔，保安幾好丫

之後啲對話我就沒聽到了。。我過左佢地頭繼續行。。唔好意思聽落去


已家係米好多後生世仔走去做保安？
個社會其實咩事？ 明明後生應該出黎改變下個社會....老左至做啲退休工...
（個年青人肥仔黎。。唔會係做機埸保安要求高果啲)


大家對件事點睇？我唔係歧視人做保安,而係我覺得後生世仔要試多啲野...唔好一出黎社會頹底咁...

樓主都去做下就知

有咩問題

有咩所謂呀！覺得開心咪得囉！

因為乜都唔洗諗
個人準時到 坐一陣 出去行一下 又坐返係到 夠鐘食飯 夠鐘收工 食唔飽但唔會餓死
一夠假 又可以去轉日本

而家保安都半個物管
遲下物管會被取代

人地做 網絡保安架

你知香港人幾低調架啦。
冇番三個億身家，其實同一件垃圾都冇分別。
咁無謂同人講 我係做網絡保安既，費時比人誤會覺得我囂啦

咁咪同人講我係做保安囉。

係，而家香港係咁

躺平

你不如問下炒樓個班人

最近屋企樓下黎左個看更
佢戴眼鏡, 斯斯文文, 仲幾後生
不過佢黎左咁耐, 未見佢笑過
直到有一日佢幫我開門, 順便問左我一句
「咦, 你係中大學生?」
雖然唔清楚佢邊度得黎既消息, 但我都答左句
「係啊」
佢同我講見到我有一日著件中大soc T出黎, 所以估我係中大學生
呢個時候我留意到, 佢居然露出笑容
跟著佢又問我
「有冇上莊啊?」
好老實講, 我冇諗過上莊呢個字眼會由一個看更口中聽到
「冇啊」
雖然我答左冇, 但佢睇起上黎仍然興致勃勃
「咁你邊間書院架? 新定舊?」
當下我都嚇左一跳, 講得出中大有新舊書院應該同中大都有D關係
「我係逸夫, 你好似好熟中大?」
我忍唔出提出疑問
「因為我都係中大畢業架」
雖然我明白職業無分貴賤, 不過我都忍唔著問左句
「點解師兄你畢左業做保安既?」
佢臉色微微一沉, 然後話
「冇啊, 因為我讀數既, 讀完好似冇咩工適合我, 依家做保安多D時間做自己野都唔錯」
佢講完倒抽左一口涼氣, 我都冇再追問, 只係回左一句
「哦…」
跟著佢繼續講佢大學果陣時有幾開心, 話成日走堂同班朋友玩, 又話試過屈蛇比人打蛇, 又話試過開冷氣chok credits, 見佢講到眉飛色舞我都唔忍心打斷佢, 只係輕輕點頭附和
「啊, 唔好意思好似阻著你咁」
當佢講左5分鐘之後先發現好似阻著我
「唔緊要啦, 下次有時間再傾兩句」
最後我用呢句結束對話
我行開幾步回頭望一望佢, 見佢坐落更亭, 打開佢成日睇既一本書, 雖然唔知咩黎, 但個書名大大隻字寫著「Introduction to Topology」

因為出面都係西工囉
西過保安自然做保安啦
前日先去工廈做野收貨
樓下五個後生保安
撩佢地傾計原來都一樣八大grad

所以物管搞發牌

有幾個舊同學大學畢業做保安做左差唔多十年， 亦有人走去做倉
香港d 工作環境，就算想上游有時返返下都返到懷疑人生， 值唔值得，想平平淡淡既時候又會有d 閪人搞鳩你，真係有時寧願做保安好過

英文好，做港島英文盤保安幾好pay

係物管代替保安

連登仔搵開50k咪覺得垃圾工囉

其實佢做警察又唔好意思照直講

坐下坐下又一日不知幾撚happy

保安係連登好撚高崇架

保安係退休工根本就係錯
保安就係要後生好氣好力，先保障到住戶客人

保安師好失禮你？
當年大把手足好崇拜