[Netflix] 日劇 First Love 初恋 2

香港人由細睇Tvb 填鴨式電視大，睇其他劇一遇上要邏輯思維地方就等同第一集晴道俾人問鍾意食咩一樣hang 機

現實已經好殘酷
俾第9集平常人FF 幾好

我同意呢套係一套感情好真摯既愛情劇
但係講到有正確愛情觀就會享受同鐘意睇真係認同唔到

大佬原來7年感情行到就結婚呢一步
都敵唔過偶然遇見番既初戀
到呢一刻先發現你原來一直都忘記唔到初戀
咁我睇完仲相唔相信愛情好

反而覺得佢睇落冇佐藤健咁老

對唔住夏帆係其中一個原因。

最主要因為晴道一直鐘意嘅都係也英，而唔係無晒佢地以前回憶嘅野口小姐。無咗以前甜蜜嘅回憶就甚麼都不是。

所以晴道寧願繼續等也英有返記憶，睇返佢留嘅信先再一齊。

同埋晴道一直相信命中注定，佢相信也英最後都會記得返所有嘢。雖然唔等幾耐，但佢地兩個都要係返埋一齊，因為佢地係命中注定。

呢套劇除左講初戀
都係講完成唔到嘅夢想
第一集也英喺車上嘅讀白就講晒

唔太建議
對不起青春 已睇？

浪漫化出軌

有女朋友密密見心儀女仔 錫佢

我反而覺得good ending係神來之筆，因為正常愛情一定係無結果比較深刻。你好少見愛情片有好結果

但呢個故事有good ending 嘅合理性。就係因為好純粹，相愛，大家都努力搵對方，遲到，好過無到。

到最後，可能個畫面唔係十幾歲想像咁，但又真係做緊當初夢想嘅職業，愛返當初愛嘅人。

呢個ending 好重要，我反而覺得好多人睇得果啲為現實妥協嘅戲太多。講到尾人生又好，愛情又好。好多失敗，都係為放棄搵藉口。

有人覺得失憶梗好老土，但如果唔係女主角失憶再結婚，為何20年相愛不能愛？

你要分清楚，我明果個巴打講正確係唔準確，應該係對感情有足夠思考。

佢精神上出左軌，佢都知，所以佢先同夏帆分手，唔想再呃。而也英係佢心中嘅地位唔係佢見返也英先有，夏凡一直都知道呢個女仔喺佢心目中嘅地位。

無絶對對與錯，只係最後無揀夏帆咁解。

唔浪漫咁Off topic 但現實中
呢種就係廣義中嘅「出軌」
即刻係咩原因

根本就係感情台啲post
「7年感情敵不過ex搵返佢」

係架！但係咁唔代表係錯，咁只係個人選擇。
起碼，一見返也英，佢知自己咩料，都𠱸浪費夏帆時間，算係咁啦！幾多人會咁好？

即係一段感情一分，一係就單身，一係就鍾意左第個架啦⋯⋯鍾意係控制唔到架喎⋯⋯問題只係你會點揀。

無人話留舊代表岩，要新歡就係錯。負責，好頭好尾，已經好到不得了。幾多人分手分到超肉酸，咁先係問題。

佐滕健感覺特登整老D
要多d滄桑感，套戲個角色歲數37-40
都比佢真實年齡大

第八集男主同小綴睇起飛個段
男主有講自己抑壓左7年感情
一直呃緊自己
佢都因為見到小綴情況 自己先可以鼓起勇氣下決心

所以其實小綴果條感情線係好必要，乍看之下好似重複上一代，其實係改變返佢地轉頭。係也英車個仔都追條女，所以也英先會知要追條仔。

呢套係唔係近年最多人睇嘅日劇

都唔奇，Ntfx環球top10，都睇怕會係

見唔少人用「戀愛劇就係老土㗎啦」作為辯解，
當然 要寫得好係有一定難度嘅，但講到底咪就係功力問題


借用依篇 2022金馬電影大師課 筆記：

/老師在日本是電視劇編劇，主要撰寫戀愛類型作品，而戀愛劇是最難寫的一種類型，不知道大家有沒有在街上看到情侶談情說愛的畫面？看了就很討厭，在螢幕中的情侶如果發展得太順利，觀眾看得會不開心。

如何把戀愛寫得不順利，就是編劇的功力。所以戀愛劇要寫的就是兩個人的心靈如何維持不相通，如果兩個人相遇就互相喜歡，觀眾就會看得不舒服，戀愛劇要讓片中人物無論如何見不到面或錯過彼此。戀愛劇的劇情是不可以有真正的進展，在這麼長的時間（日劇可能11集、韓劇可能25集）都要錯過彼此，這高難度是戀愛劇的編劇要做的事。/

https://m.facebook.com/story.php?story_fbid=pfbid0JQGnhudZy5zA4xvnZQUN3W1pLo9R4qijnutc9cbVNaqvWkjUR1GhCgCHk1Uu529fl&id=100000881169018&sfnsn=mo&mibextid=RUbZ1f

個Psychologist 講過，可以通過嗅覺(紫丁香花)，味覺(意大利粉🍝)，觸覺(晴道嘅kiss+救佢一命時嘅擁抱)同埋聽覺(Discman播嘅first love)嚟幫助失憶嘅人搵返回憶 呢個導演都安得好好

仲有視覺 見到阿妹做手語

正正因為大家都知愛情片就係要bad end，你先知佢咁寫好大勇氣。

其實好多人係人講佢講，老咩土？劇情老土？老土係邊？失憶就老土？呢點都真係要諗諗。

我真心唔覺呢套老土，我欣賞佢多細節，有呼應。

認同
如果下下愛情劇嘅結局都係要sad ending
咁未免令人對愛情失去憧憬同盼望；

如果唔係晴道鍥而不捨用無線電揾也美；
唔係晴道知道也美壞洗衣機跑過去揾佢；

亦都唔會有之後嘅際遇

當然套劇有巧合就基本架啦
唔係綴執到cd 機
也美都唔會聽得返「first love」而恢復記憶

但係無論係男主定女主
兩人都冇放棄巧合帶嚟嘅連鎖效應：

一個為自己 為對方重拾成為機師嘅夢想
另一個就願意儲錢去世界嘅另一端尋找對方

如果咁努力嘅2位都唔可以得到happy ending
咁未免現實過頭 太傷感啦嘛

所以我好鍾意呢個ending ，有時係睇嘅人自己唔信現實都有咁好，多過真係做戲先有。
如果你現實對感情都可以好似晴道咁，話唔定你嘅愛情，比佢更夢幻都有。

點解一定要失敗主義，我就想反問而家嘅人。

成套戲最有味，係因為兩個都老。都係經歷過現實，而選擇相信童話。咁唔係正正浪漫之所在咩？

呢套睇完就同ex一齊咗