同A0男仔拍拖要考慮清楚

我同男朋友都係20歲，year 2，我地拍咗一年幾，我之前拍過幾次拖，ex都係d有經驗嘅男仔，而依家男朋友就係初戀。我地都好愛對方，我唔係有心想將佢同ex做比較，之不過有時遇到相同嘅情景，會覺得同未拍過拖嘅男仔相處係有少少辛苦同唔開心。

講吓我地平時嘅相處，男朋友係對我唔錯，不過以下只係寫我覺得可以改吓嘅地方。雖然佢係對我幾好，但我覺得唔夠細心，例如好多時我行近馬路嗰邊被人撞／被水滴，佢會問我有冇事，但就冇提出過同我調位。行街食飯問佢咩佢都答「是但啦」，可能佢覺得咁樣係遷就梗我，但我會覺得感覺係hea我，幫手諗吓去邊食咩都唔得？

佢從來冇帶我食過貴嘢或者鋸吓扒，亦都唔會主動請吓我食飯，我地一向都係AA。其實食平嘢同AA我覺得係冇問題，始終佢都仲係學生未有經濟能力，但一餐半餐、節日、紀念日想男朋友請食貴少少都好正常掛，但佢完全冇。話說今年情人節我想佢請，婉轉啲講吓笑話「今日情人節喎，不如我請」，想等佢意識到係情人節會請返我，點知佢竟然收返埋個銀包等我俾，見到個收銀都呆咗一呆，可能我真係太婉轉...... 以前ex喺一個月、三個月、半年、一年、年半、兩年紀念日都會慶祝同送禮物，送吓花、手袋、手錶、衫咁，唔係話幾多物質就代表愛，而係我相信一般女仔都會想有d儀式感。但依家男朋友紀念日就完全唔慶祝，就連我生日都冇蛋糕、冇禮物、冇卡，得句「生日快樂」，嗰一刻真係有少少失望。

到sem break，我打算放假都係同男朋友去旅行，但佢竟然完全冇計劃要去。我地平時有傾開咩國家有咩玩，以為暑假佢會同我去，我知道佢家境唔差加上自己有積蓄，唔係因為冇錢而唔去，而係唔知道情侶通常都會去吓旅行拍拖......佢話下年再同返我去旅行，唉，依家見到其他fds拍住拖周圍飛去玩都會有d羨慕。

以上所有嘢我都同佢反映過，佢應承咗我會慢慢改、慢慢學，而佢其他方面對我都算幾好，我唔會因為以上嘅嘢而同佢分手。不過其實講真，女仔拍拖係想享受被男朋友寵、被照顧，但我感覺自己依家係教梗人點做一個男朋友......奉勸各位女仔要考慮吓同A0男仔拍拖嗰時會有嘅問題。

放開個男仔啦 佢值得更好

係預咗幫人教仔㗎喇，咪忍讓下睇下對面受唔受教，教唔教得過

你教完咪分手囉，收皮啦臭西

Y?

搵女朋友真係要搵個用an機既，用an機先係好女仔
https://lih.kg/3203551
- 分享自 LIHKG 討論區

話說今年情人節我想佢請，婉轉啲講吓笑話「今日情人節喎，不如我請」，想等佢意識到係情人節會請返我，點知佢竟然收返埋個銀包等我俾，見到個收銀都呆咗一呆，可能我真係太婉轉...... 以前ex喺一個月、三個月、半年、一年、年半、兩年紀念日都會慶祝同送禮物，送吓花、手袋、手錶、衫咁，唔係話幾多物質就代表愛，而係我相信一般女仔都會想有d儀式感。但依家男朋友紀念日就完全唔慶祝，就連我生日都冇蛋糕、冇禮物、冇卡，得句「生日快樂」，嗰一刻真係有少少失望。


女仔拍拖係想享受被男朋友寵、被照顧，但我感覺自己依家係教梗人點做一個男朋友

想做雞唔係咁易

我唔知你有冇打漏定冇打出黎
我淨係睇你篇野 第4段 只係睇得出你想lam佢啲錢lam到盡
既然你介意佢唔請你食飯 咁點解你又介意請佢食飯

同埋禮物你節日果時有冇送過比佢先，有既話就佢抵屌
冇既話 就放過人地啦

第三段*

其實我覺得問題唔係你男朋友A0，而係你對男朋友既期望唔可以喺佢身上搵到而失望。
我宜家個男朋友都係A0，但係佢性格好好，願意學點樣拍拖，會主動問我佢有咩地方可以改進。拍拖係需要兩個人遷就對方性格同習慣，我唔覺得應該係男方要完全就晒個女仔。如果你真心expect男朋友係要不求回報地做晒你post所提到既嘢，咁我勸你早日同呢個男仔分手。

A0先好 一張白紙任你寫
等陣人地個ex做地底泥瀨腳指咪一樣仆街

呢啲唔係A0問題, 係智商問題