言歸正傳，雖然韓仔連續兩場失分，但大家係呢隊波身上係睇到無窮既潛能，係打少孫興民一個既情況下，首戰控制戰局賽和烏拉圭。第2場對住32隊波排名最低既超級弱旅迦勒，直頭係讓半臂，係收起孫興民同金承奎以9打11既情況下，靠韓國夏蘭特單拖連入兩球一度追平2比2，可惜以寡敵眾，最終僅敗3比2 。
不過韓仔仲有機會出線，今晚超級弱旅迦勒輸就輸硬，睇下輸幾多球，韓仔只要做好本分入多幾球贏波就有機會出線。葡仔經已出線，今晚必定收起部分主力留力淘汰賽，但葡萄牙孫興民話哂都係最後一屆世界盃，為左爭取入球，今晚無正選都會後備落場，咁葡仔到時就真係打少件，呢個仲唔係孫興民刷入球帶領韓仔贏波晉級既大好機會咩
雖然韓國網民已經對孫興民留力既表現極為不滿，但韓仔食粥食飯都係睇孫興民，英雄總會係最後一刻先會現身拯救家園，今晚孫興民用入球說話，一己之力carry哂全國，呢鑊無得傾啦
你地又覺得孫興民今晚入唔入到波呢？
入到啦 
入條毛咩佢 
