信長之野望 新生 大志 創造 邊隻最好玩？

對上一隻玩已經係革新
ps5見到得新生 大志 創造 三隻賣
聽人講好似本身得勁少關 劇本要分開買？
成五百幾蚊仲要買dlc貴撚到on9

大部份人都話創造好玩過大志。創造個本多忠勝係歷代最BUG，係咁屈蜻蛉切，3000兵打幾萬都得。創造個大地圖有地形同埋道路既特點，算好有特色。好似甲斐、信濃、四國嗰種山地既城，係呢一代因為有人口同埋區塊發展上限，所以同近畿、關東人口多嗰d地方既城比較，係廢好多，所以係真係做到個分別出黎。

新生我都未玩過，不過見好多評價都話好好。不過新生仲未出威力加強版，KOEI系列通常都係加強版好玩好多。

威力加強版通常係會有咩分別？

天下創世最好玩

佢會威力加強左

多d新元素，例如創造威力加強版多左城池改修、改左會戰模式、多左政策、大名直轄範圍變左無限。

仲玩緊天道

大志玩法就完全唔同，每個大名都有個「志」，會有唔同特色。

例如上杉謙信個「志」叫做「義戰」，佢親自出征，全部隊伍士氣都會上升，跟住佢又有「大命」夜叉羅剎，開左可以無視對面陷阱同戰術。

兵種分做農兵同足輕，農兵正常係廢d，但係有d大名好似德川家、武田家既「志」會增加農兵等級，令到佢地農兵勁過足輕，所以要徵咩兵係要睇番大名個「志」既特點。但係大志內政方面好簡單，所以好多人評價唔好。

革新no.1
最近玩快速爆機 三粒鐘內完

除非重制啦
Steam無中文版
畫面又跟唔上

重制再加啲野就神作

隻game好多漢字 唔洗中文版

革新 天道 創造 新生都可以一玩
大志聽講係垃圾

天道最好玩

天道操作易好多
同埋算大戰略，冇回合制正好多

前期靠屈守城同開路偷襲，好爽

大戰略係咪即係好似革新咁？

係
Heat of iron 個類
唔洗扣行動點同等成round 先做動作，鍾意幾時做反應都得個啲
應該係介乎即時戰略同回合制嘅中間，
玩回合制嘅話，玩total war 正好多

個人覺得天翔記正D...

創造威加版 本多忠勝招蜻蜓切帶多個挑釁

大會戰直接拉敵總大將出嚟打就贏咗

屈到仆街

天道打後都係手機game

新生 >> 創造 》〉》〉》〉大志

新生好玩在何知行系統同糧草配給，動員
歷代比較算最真實

而大志的志單純比勁人尾機 無乜意義

烈風傳
好鐘意玩攻城守城戰

創造
自創北海道一路打落去 後期得返信長比較難打d 開曬農分勁多士兵

啲城玩到後期，座座都4-5萬人喇

ps做緊特價
新生$422