你重想唔想信愛情呀?從來人一開始會選擇相信,但慢慢經歷過唔同關係嘅洗禮,嗰種天真而浪漫嘅感情關係,會俾種種現實嘅情況而漸漸糜爛,到呢一刻你重可唔可以諗都唔諗選擇相信?
我比喻愛情係一個溫泉初歌會選擇不顧一切跳落去,縱使渾身發紅,亦嘗試將自己生活方式融入另一半,雖然過程會好痛苦。成為有經驗嘅人後,會慢慢由腳尖浸泡到全身,其實你唔係怕投進愛海,係你怕不顧一切下再受傷從來所謂拜金女,背後往往試過一段純真嘅愛情,受傷後唔再相信愛情,物質先可以陪到自己。與其話嫌惡,我會更加同情呢類人。
咩係愛?愛係給予,係成長,係責任。愛情冇利害關係,係我可以為你真心付出幾多,唔係因為你係我老細,係因為我愛你互相扶持下大家成長,喺難關面前我重有你,係你喺我以為絕望時俾我知道重有你鼓勵我最後係我願意為你承擔更多,亦都係男人婚姻嘅目的,正正係我想喺自己膊頭添上你同成個家庭。
愛情其實冇你諗咁複雜,或者複雜嘅係你嘅諗法,同埋社會中人與人嘅相處。到最後我仍然選擇相信,相信自己有能力俾到未來對方。
你,重相唔相信呀?