旅伴最怕係邊類人？

1，去之前就話咩都冇所謂，到咗就咩都有所謂

2，每一日都問你今日有咩行程，但明明一早已經send咗出去俾佢地

3，明明咩都冇Plan冇做，但旅程有少少問題就比說話你聽

4，早起唔夠瞓就搵你發脾氣，講野語氣重，有骨，閪面，十問九唔應，敷衍

5，咩都唔滿意，太熱又話熱，太凍又話凍，行得多又話攰，落雨又屌，唔夠瞓又屌，食得貴又屌，食得cheap又屌

6，

7，

咁咪分開玩
定係你中學/大學生第一次出國旅遊又唔敢分開玩又想死都一齊嘅你先係木嘴

有d 一定要食酒店自助餐 唔會出街食當地local餐廳

好奇一問大家
如果話無所謂又真係無所謂咁又得唔得
利申試過旅行諗唔到食咩個fd 話去食M 記真係去左食M 記
又試過因為google 完都唔識搭車，個fd見好似行到過去於是建議一齊行過去，最後真係行左幾個鐘，個fd 反而怪我做咩唔阻止佢

因為我個人去旅行雖然唔可以話好冇主見，但係其實每個景點或者活動對我黎講都唔會有好特別既吸引力，我純粹只係鐘意同fd 出去玩個感覺
所以plan 起行程黎真係九成都係d fd 話想去邊就去邊，食咩都係冇所謂咁
但係睇到上面好似有好多巴絲都有d 反感，覺得成個free rider咁
但係調轉頭諗，如果我夾硬諗幾個景點黎，結果d fd 覺得我好想去，特登去就我個行程，但係其實我心底裡係去唔去都冇所謂，咁如果最後個fd 係果度玩得唔算開心既
我又會覺得浪費左時間同成件事好無謂

如果佢真係無所謂唔會投訴
我覺得OK 喎

如果有人肯同我癲我會好開心
由其是一齊行個段 好鍾意去到陌生地方既探險感

我諗大家憎個種應該係
出發前plan好曬 但唔記下行程安排
前一晚唔肯訓 第二日又起唔到身
唔幫手搵路 淨係on99咁跟尾行 (講緊落車向左定右行都唔幫手查地圖)
為咗幾十蚊hkd差價要行10個街口去格價

咁你咩都冇所謂要人安排晒，依家當我導遊
咁我自己去都得啦，洗咩一齊去

"話無所謂又真係無所謂", 無問題
只要當我做決定時佢唔會多多意見

沖涼化妝到黃昏都未出得門

其實唔會無啦啦黑面發脾氣
一定會有原因
只係唔同你講

通常都係問佢乜都話冇所謂，到大家都有決定時佢就最有所謂嗰個。

素食人仕都係其中一類不受歡迎嘅旅伴

見到隔離post：

太執著要去某啲地方或者食某啲嘢，食唔到會有少少脾氣

其實最簡單嘅講法就係一個人有冇脾氣。冇就已經可以

無所謂唔係大晒
幫唔到手正廢柴

所以一條友去旅行真係好正

成日都要幫佢影相嗰啲港女，揀親啲景點主要目的一定係影相打卡放ig
仲有好怕同啲成日好多嘢擔心嘅人一齊，唔好話旅行，喺香港都咁話
我係隨心派，唔鐘意太多plan，就算有都係好rough有個idea，多數都係mark咗啲地方，到時再諗點編同路線，要有好大彈性，唔鐘意綁手綁腳，痴身嘅人會搞到我好大壓力，有時喜好唔同我會想分開玩，夾硬要人就/就人一定有一邊唔開心

所以多數都係一條友旅行 好爽暫時去旅行夾得埋嘅朋友一隻手數得哂但呢啲朋友去完旅行返嚟關係一定會好咗，唔夾嗰啲真係會想避開佢

我自己好鐘意plan行政 基本上由機票酒店到行程交通都一手包辦 唔介意旅伴完全唔出力 唔好到時有問題就得
不過如果旅伴唔plan但係獨立嘅話都okay 識分開行再約時間集合就最fit

我自己啦
搵friend去其實只係想同friend 鳩fing下，創造下回憶咁，無你咁計較

我同我啲friend ，free rider 同planner個角色都互相做過
大家都好有共識，無份plan就無話事權，就係咁簡單

so far無咩問題

最怕計計較較，洗一蚊兩蚊都諗好耐，仲有訓到三四點先見人嗰種..

一路都覺得係
不過武肺後初遊, 唔知係咪人老咗, 一條友開始覺得有啲悶
同埋冇人SHARE 酒店,租車 真係覺得有啲貴

前幾分鐘仲有講有笑好正常
只不過係搭緊車咩都冇做坐係到 過幾分鐘就無啦啦黑面
問佢咩事就發脾氣話冇野 我真係睇唔透

最憎個d去旅行食死一樣野
去曼谷4日
日雞飯加芒果飯
去日本
日日壽司
去台灣
晚晚食炸雞鼻豆腐
去大陸
晚晚牛肉麵

勁撚早起身