講下我背景先，我大半年前移咗去加拿大。咁以前我係香港嗰陣就好少失眠，一年都未必有一日
黎咗加拿大之後就搵咗份文職工啦。返咗一個月左右工後，有一個星期日晚忽然訓唔到。本來以為係要晏啲先訓得著，點知係張床碌到第2朝天光都冇訓著過。咁好啦以為咁岩嗰個星期唔知咩事啫。點知下一個星期、再下一個星期都係咁，而且一樣係全晚冇訓著過。
嗰陣時已經勁辛苦同好擔憂。全晚冇訓著過第2朝返工係勁辛苦，嗰種感覺好似升仙咁飄下飄下。咁之後我就去睇西醫，西醫就叫我去做body check check心跳同血，但check完結果又冇問題。結果佢開咗啲zopiclone（一種安眠藥比我）
咁我已經好不解，雖然黎到加拿大要適應新生活的確係有壓力，但壓力真係比香港小得多，無理由可以連續個個星期日都訓唔到，仲要一個鐘都訓唔到。同埋又驚食安眠藥會有依賴性。我都有試過其他方法，咩訓覺前1個鐘唔好玩手機、照多啲陽光，訓覺前飲酒，做過但都冇用。
咁我就去咗睇中醫啦，中醫就話我壓力大，所以幫我做針灸舒緩。一開始我都唔係幾信但針咗大約5次，每星期一次，之後星期日晚真係自自然然訓得番覺。大概過多一個月之後見好似解決咗就冇再去針，點知停咗之後過多2個星期又復發
但係呢度睇中醫真係好貴，如果個個星期都咁針真係破產都似。咁我都有走去藥房問，藥劑師就話雖然隻藥的確係有好強依賴性，但如果好似我咁既情況一個星期食一粒半粒其實就唔會有咩副作用。其實我又斷斷續續都已經食咗4個月，都只係keep住同一劑量，其他日子完全唔需要食藥都訓得好好。
搞下搞下已經比佢玩咗半年，我都唔知幾時先可以完。
雖然話靠安眠藥唔係好事，但如果唔係隻安眠藥我每個星期日都失眠我情緒上應該一早頂唔順。