想請教未補地價嘅公屋 家庭成員除名問題

仔女夠18歲後，除名會有咩問題？例如收樓/換細單位等等

咁姐係買左未

買咗但未補地價

買咗點會收樓或換細單位，如果咁都要，買嚟做乜

理論上非家庭成員唔可以住係入面
不過買咗邊有人理

唔該晒你哋先
咁我想問下 買咗但未補地價同補咗地價嘅主要有咩唔同？

唔撚賣你補地價嚟做乜

租既公屋成員唔可以有私樓
租置左唔駛理佢之餘，你第時買左私樓要繼承唔駛補地價同印花稅，除左名既成員要繼承唔知駛唔駛補地價先得

補左咪變左私樓，下一手可以市價出售
但接得你手既都係綠表窮L 點會買你補左地價既樓
除非地段好者

無名都可以繼承
買左就真係買左，未補只係唔比出租/自由買賣/轉按，買左=私有產(只係多左少少限制)

補左可以當私樓賣,未補就一係對家有綠表先可以同你買！

補左=私有 自由市場買賣，放租
未補=你同房屋處共同擁有 只可綠表市場(居2市場)買賣 ，只可租比排公屋人事
居屋業主冇法轉名，除非65歲以上有特別條件先可以轉名，自己上房處網睇
居屋業主離世，冇寫到遺產，長命契，房處有權會收樓

亂作都要有個譜啦！

業主無立遺囑咪跟法例分配俾後人囉，收咩樓？

仲有，2007年以後房署唔會再回購居屋，租置就只會回購首次發售5年內單位。

請教一下邊個位錯？真心救教

買咗嘅公屋仲要同房署除名？

鳩up都有個譜 咩叫共同擁有
業權角度無論補左地價未層樓都係100%屬於業主
只係未補地價會設有轉讓限制唔可以係私人市場租售
補地價嘅目的係用嚟解除轉讓限制
無論任何情況房署都無權去收返一層賣左嘅公/居屋

業主過世嘅時候同其他資產一樣有遺囑就跟遺囑
無遺囑就跟無遺囑者遺產條例去分配
唯一嘅分別係基於避免雙重福利 繼承人唔可以本身係另一間未補價嘅公/居屋業主

哎呀！我錯
我將“租既公屋成員”睇錯成“租置公屋成員”

如果你除左名
你將來萬一要繼承層樓, 你就無左資格.
一係賣樓換錢或者要將層樓補回地價

你唔去除名. 就當你享受緊政府房屋資源.所以你先考慮要除名.

係我講漏咗遺產分配要有證明文件，家人同業主關係因證明文件不足，係冇權分樓

只有業主在生嘅時候因特殊原因要轉名先係限制只可以轉比家庭成員
遺產承辦無限制一定要家庭成員先可以繼承

其實連唯一分別都無，
居屋業主一樣可以繼承其他資助房屋。
你都識講遺產係跟法例獲取，雙重福利係講房委會唔接受居屋業主再“申請”，但遺產係經高等法院 By Law 獲得，唔通房委會可以反對高院嘅判決？

郭昶一個答錯全世界都炒車。

依個係遺產承辦嘅手續
去遺產承辦處或者搵律師辦理繼承遺產嘅時候本身就要比關係證明(結婚證書/出世紙之類）
到承辦處批左授予書就可以拎去搞轉名
同私樓定居屋 補左價未完全無關係
只係未補價嘅公/居屋搵律師轉名前要多個手續要去房署申請轉讓同意書

網上啲資料淨係話房署會reject
房署嘅文件又無寫明得唔得
所以都真係好唔清晰
我都想知實際有無案例係轉到定唔轉唔到

轉到 轉唔到仲點會有人買