金馬獎公信力同透明度屌打香港電影金像獎

政治水份以前就唔會比大陸啦

金馬獎係華語/華人電影嘅獎項
《分手的決心》主要係得湯唯係華人，應該唔合資格報名？

劉雅瑟都係輸一票
智齒真係靠佢carry

認同金馬獎係華語片最大獎
但又唔會吹到金像獎連人車尾燈都見唔到囉

金像獎正確講係合資格的電影工作者先係
大多要加入指定屬會先有份投票，或者片尾有出名先有資格
唔係所有電影工作者都直接有份投

分手的決心係韓國

我意思係 台灣雖然有問題但係起碼係半個民主國家

香港連民主都沒有


國情 / 地區國情 呢樣嘢我覺得係有啲體現喺金馬同金像
金像係的確係工業獎 以商業發展為依歸（好似香港呢個地區本身咁）


所以我話「金像連金馬車尾燈都見唔到」
其實我都知呢個係吹大咗

但是香港則是真係連台灣政體車尾燈都見唔到

金馬獎近年係搞得Grand咗好多，認受性都遠咗唔少，但有留意開會知實際分豬肉情況越來越勁，而且因為大陸杯葛，參展片數都下降咗好多，所以上面有人話係亞洲華語片嘅最大獎……咁講其實都尷尬，因為佢只係圈到台灣片同少數香港電影


至於同金像獎比較，真心唔會差太遠，工業獎有工業獎嘅好處，就係真係業內一人一票投出嚟，base 係比金馬大好多，但就會顯示出更多商業同人脈上嘅品味傾向，機制上金像似奥斯卡，金馬就歐洲影展

但作為一個資深影迷，你話金馬係咪真係代表到亞洲華語片最高榮譽，我就會話認受性呢啲嘢……你覺得係就係囉

文無第一，武無第二

可以咁講，又或者分個Tier

電影界獎項，T1一定係奥斯卡，康城，柏林，威尼斯嘅主競賽單元

T1.5可能係Sundance加其他A Grade電影節，再加其他各電影大國嘅主流工業獎同協會獎，例如凱撒大獎，金球獎，奥比西獎之類

T2就係啲大影展嘅次級單元(例如康城一種注目)，未到A Grade 但好有傳統嘅重要電影節，同埋類似港台呢中型電影工業地區嘅主流獎

金馬金像就大約係略低於T2，點解咁講呢？就好似瀑布呢套片，只係因為入圍威尼斯次級單元（地平線單元），喺金馬已經係頂頭大熱

文化工業入面影響力就係實力，正如Drive My Car 喺康城攞完後掃咗大量各國嘅工業獎，由此可見康城嘅T1實力。如果金馬攞咗喺金像必攞，咁就好明顯金馬大於金像囉，實際上影響唔算好大

金馬獎就算而家因為政治原因無咗大陸電影參與+少咗香港電影參與，佢仍然係包容性最大同最高榮譽嘅華語電影頒獎禮。金雞獎連大陸人自己都鬧，文藝片唔重視，主旋律電影就吹捧。金像獎就有時連提名名單都唔夠數。金馬獎小評審團、金像獎就奧斯卡會員制，各有各特色。但香港金像獎真係好多人唔睇電影投票，新人獎、女配角獎成日出大事。

金像獎有冇公信力啦喎
爾冬陞都走出黎講投票投同情分有咩問題
咁你自己諗喇