睇戲有粗口土法消音
該名學生在網上社交平台表示，學校每年福音周都會舉辦一些活動，其中一項就是課後睇電影，因為會記優點，所以會有很多人參加。這次播的電影是《淪落人》，學生說本身都幾好睇，但卻因為學校一個措施，影響了整個體驗。話說戲內男主角黃秋生的角色是一個很鍾意講粗口的人，本來也沒有特別問題，但一去到粗口劇情﹐學校說會「Bi」走佢，做法是手動好像用哨子的東西試圖「靜音」，令到電影一去到粗口情節，就會有好刺耳的「Bi」聲。
質疑學校做法
對於學校的做法，發文學生直言「如果要咁麻煩，你一係唔好揀呢套電影， 一係就咪搞咁多嘢」，並說「反正你都係喺佢講完先『Bi』，有鬼用咩」。該名學生也在文末時問其他網友，如果要播放的電影有粗口，學校會點做？會像其學校是相同做法嗎？
講粗口要寫檢討
網友們看到學校得做法有不同意見，有的說「不如播《天線得得B》，真係完全無粗口」、「建議你下次同老師講唔睇，要上堂，反正畀你睇都咁唔滿意」、「有得睇你仲煩」、「周街都有人講粗口，唔好畀啲學生出街」，也有人說「想當年歷史堂播《舒特拉的名單》有18禁情節都照播，完全不怕」。但也有學生反映其就讀的學校，真的視講粗口為很嚴重的事，有人舉例「我隔離班有好幾個同學因為講粗口要寫檢討」，也有人說他的學校也相同做法。
老師都是想大家睇好戲
不過，也有人為學校和老師講說話，認為「會唔會老師搞咁大壇嘢都係想大家睇一部好電影，可能佢教唔晒學術上嘅嘢，但起碼佢教到大家品德上做個好人」。
