真係人一世物一世？咩都要試下？

真係人一世物一世？

既然有國家係合法既，緊係試下啦！我係連煙仔同水煙都未食過，大概都係口吸一吸咁姐，唔難掛！
呢支係朋友好細心整既手捲煙，佢小心翼翼用佢金色好高貴既長身火機點著佢。佢溫馨提醒我，唔好淨係用口吸，吸完要再吸入肺到，唔好噴返啲煙出黎。聽好似好易，我大大口吸左落去，好難先將佢再塞入啲，一絲絲白煙從我口溜出黎。我再黎多口，一吸就吸到好似有啲野入左氣氣管道，心諗仆街啦唔撚係將啲煙草都吸撚埋入去掛，會唔會中毒或者過量架，屌！

有冇諗住試下人屎咩味 狗屎咩味

咁我緊係無理咁多啦，吸完呢兩口，再大大啖咁用肺交換氣體，都唔洗等3分鐘碌個杯麵，個人即刻飄飄然。其實我對呢樣野係零知識，朋友講話會飄飄然，我就以為係咁撚簡單。我都聽講過有啲人係泰國食完有啲有料到有啲就好撚正。我以為我係例外，就好似Covid 19 咁唔撚會有BB啦！點知一撻落床成個人即黎料，我個靈魂好似離開左肉體咁，仲要係咁轉黎轉去，果下係好撚難頂又好撚享受。我朋友當時話條仔貓左啦，咁我都好撚有意識咁同佢講對唔住，我都唔想咁樣，有啲位我係有意識咁控制唔到自己。

咁既然唔食都食左，不如再探索下我成個人放鬆同好有意識時既分別，我迷左都咁撚有意識去做呢個實驗，究竟我係真迷定假迷（即係自己都想自己迷落去）。我首先就試下放鬆哂成個人先啦，係咁撚轉轉轉，痴撚左線，開眼定瞇埋對眼都係咁旋轉，仲要跟住啲慢拍子好Chill 又好有Beat既英文歌，成個人都好暈。之後，你係不停咁覺得好頸渴，條脷有時太放鬆會無啦啦打轉，仲之口就好乾好想飲水。

試完放鬆緊係試下有意識係點啦，首先講下肉體既感覺，我開始郁下手郁下腳同捽面，當你一做起任何動作想試下咩事既時候，你就會好似個強逼症既人咁不斷做重覆既動作。然之後我發現我郁既手飲既水係有即時既反應，但我個腦同隻眼好似慢動作咁將影像拍低咁，睇住自己既慢動作，個腦又不停諗自己係咪痴撚左線。成個感覺就係將你五感放大到容為一體出現左好新既感覺，好似好好玩但情理想又想壓制自己。

之後講下認知上既感覺，成個思考模式好似放到好慢同好大咁，你一諗到咩你就想會去做，而你既大腦係真係帶Yes Or No比你簡，而個判斷時間係好倉猝，如果你唔用理智去把持，好大機會就好衝動做左你即時諗到既野。而當時我既慾望係不停放大，大到你會諗好多好既野同錯既野，我應該做邊樣先。雖然我當時自知自己未去到幻聽，但都好深深知道自己有好多心魔推使我做踩界既行為。我果下係好體會到點解有啲人做野咁衝動，原來可能係個腦既結構唔同，而我地可以做既就係用社會既規範形成既所謂既理智，規範我自己既一舉一動。

其實我好唔鍾意咁既規範，但每當我諗一個好或壞既想法時，都會為呢個問題鋪左一個保護網（所謂社會既規範），即係個社會認為正常人就係循規道矩架啦，我就要乖乖跟住呢套做，唔可以做異類，例如就係無啦啦鳩叫（咁樣咪嚇襯人，所以我咪唔做囉）。係呢一刻，我好深感受雖然我係飄飄然，但我感受到我既壓力好大，好多咖鎖縛住左我，我可以拎開哂佢，但我無，因為我知我自己唔可以做不合乎社會標準既事。呢下我知自己仆街，以前覺得我壓力唔大，有咩咪順其自然或者捱下捱下就過，點知其實係壓力一直都在一直都咁重，我只係呃自己淡言看透，根本就未看透。有啲野我好想做，對自己好有期望想做到，但往往就係比到太大壓力自己。不過，人有壓力先會成長，人又點會無壓力？（我又好似呃緊我自己啦）從以上既野，好睇得出我奴性好重，由我一出世到上學到工作，一直都不斷規範我既言行，要係呢個社會生存係咪就擺脫唔到奴性呢樣野？

我都明你既道理，有啲野唔係非黑即白，有時試一次無妨，有時試下就後果嚴重，食得咸魚抵得渴。成年人最緊要對自己負責任就得。

咁探索到咁上下，我又想試下返回現實既世界，好想知道係咪自己可以完全控制。當你吸完你係真係好似去左另一個世界咁，我朋友話我上左太空喎，感覺其實幾似無重力狀態咁係咁打轉。我個人靜靜咁坐低左，控制自己意智，以為控制到點知又入返慢動作既世界或者係咁打圈Loop成個動作。果下我心入面係好驚，因為我驚我呢世都走唔返出黎，咁我就做咩都慢人一拍甚至乎係比人定性為精神病人。當下你會有好多野思考，個腦知道係咁諗係會轉牛角尖，一係就非常好一係就好似我咁不斷諗好悲觀既野而再用淡言去說服自己。果下我知我再諗會癲會解放自己思想，所以我當下好有奴性同理智咁抑壓我既行為。

我再代入一個精神病患者既角度，其實我果下係知道無可能代入，但我覺得我果時果刻既精神狀態係有小小似思覺失調既徵狀，目光神情呆滯好難聚焦而好影雲遊太虛，隻手或者身體部位會不停做重複同打圈既動作。我果下係好想擺脫果個困境，但我最後又返返去不斷Loop既慢動作畫面。果下我即時諗到幻愛同思裂既主角所做既行為同我都有幾分似，我只可以話佢地真係演得好好。

其實朋友果下叫我走，我係好想走，但係我仲係有慢動作剪影，我想個影響再輕啲先離開。我意識上係想走，但經常就係不自覺入返個Loop，其實我果下係好陶醉係虛幻既世界，成日都係邊緣俳迴，呢下就好睇我有幾大決心同勇氣。最後，我係用左我意智走返出黎，但係唔可以話100分清醒，如果你係影響期間嘗試用理智清醒自己係要高度集中，所以精神上會好疲累之後又會搵返舒服既位係咁Loop。

後記，其實我都係夜晚11點30食，但我凌晨2點30先叫做保持到理智離開，到呢刻第二日早上11點係床到訓唔到仲係亢奮狀態，個感覺就係你失眠會係咁諗野（算係輕微但同正常精神狀態都有唔同），所以係到盡量保持原汁原味既經歷同大家分享。如果有機會我都唔會再食，因為真係有上癮既感覺唔係咁難擺脫果種精神狀態，同埋好擔心精神錯亂返唔到現實世界。講真果下感覺係好似去左另一個世界係好正，但唔想錯亂到返唔到轉頭，再一次用奴性帶自己返黎現實。