人地wtaps 幾千銀一件都開到(9)
反思過可能uniqlo gu呢啲平到根本可以隨意入手，款式又偏向基礎款，需要思考討論既地方比較少，所以平時都比較悶無咩好講。真心建議撈返啲中價位但都係日本熱門既牌子一齊傾。呢啲牌子起馬貴少少買之前都會仔細d諗下果件野係咪真係好。又或者可以學下日本啲穿搭ig咁分享下成套點砌，咁幾個牌子既單品組合出黎始終都變化同可玩性大好多。
作為一個毒撚，以前都好鍾意uniqlo，但襯住近年日元係咁跌，去試過其他日牌就發現，好似nano。universe，beams，實際上都好高cp值（but一定唔係經香港鋪頭買）。啲質地用料係靚好多，包括表面睇上去既質感同內裡既舒服程度，比起uniqlo無咁易話水洗到變梅菜咁，同時係設計同版型上面又會多啲特色，計返比起uniqlo襟著幾年又靚d之後就會覺得吸引力幾大，u記就買少左好多。然而花費其實都唔係話多好多，因為買衫模式變左買少左，但少而精，有無人都係咁
。
