有冇父母買左迪士尼美語世界？

過來人評價：教材質量好，但性價比奇低，如果父母本身英文唔好，叫有教材有規範好過無，但如果本身已經有時間陪小朋友，不如果同佢去遊山玩水，學習於日常仲實際。

當年生大果個時就同各怪獸家長樣，人有我有，好多教材同學習班都比佢試，個總結係從教材直接學習到的成效唔太大，主要都係靠父母伴讀，反而開啟左佢對迪士尼的興趣就真的(置入式廣告？)。

到生阿二時，無特別比佢用依D教材，反而同父母成日周圍去，到上P/K班，進度上其實同大果個差唔多，而且坊間有好多不同英文故事書做到相同效果，分別差在對迪士尼唔係特別有喜好。

總結係，有錢唔介意花係可以買，始終係一套有品牌的好教材，但事實效果係雞肋黎，因為有太多選項可以做到相同效果，反而父母抽多D時陪伴子女仲更加事半功倍。

專開發俾智商低過70既父母學

通常細嗰個嘅進度係會快過大嗰個，因為有個大啲嘅peer guide 住佢，不過同意呢套書有用但唔值

我無買

用呢筆錢買其他著名作家嘅童書
屋企睇Netflix
同搵一間同學老師都係fluent to native English 嘅幼稚園

依家小朋友都能自主閱讀chapter books同用英文溝通到

呢個真，想要英文fluent to native，只有國際學校做到。

你俾佢喺國際學校讀書仲有用

York 勁撚貴

有冇圖睇下個set野

好多喎
Peppa pig, Ben and holly’s little kingdom, Lego ninja, Pokemon , storybots, floor is lava blah blah blah

但呢啲學校嘅同學多數講廣東話，比唔到英文語境。要搵多鬼仔讀嘅先有用，連playground language 都係英文。

冇買，我買longman 套 elect，平啲又好用啲。冇迪迪套咁L貴。

真有錢唔會讀York, 去哂寶山同國際學校。
呢啲學校中產多

啲人都係買佢套課程 同有native班主任

N班每個月6000

我講緊樓上講緊嘅幼稚園，唔係DEW

超過廿五年前嘅產品

Oh sor，我get 到你講乜。但學語言最重要係一間學校所有人都講英文。York 出到嚟嘅英文同國際學校係有分別，特別係聽說，如果樓主好介意小朋友英文水平嘅話。

半年都讀唔到

但其實考一線local school ，我見好多都口音、發音同fluency 都麻麻嘅小朋友都有offer，不過佢哋有其他嘢叻，所以睇下家長想要小朋友嘅英文去到咩程度。

當然都有一啲好fluent 嘅，因為本身父母英文都好好。

我爸爸齋播唔教我