廁所協會最佳公廁選舉：山頂凌霄閣獲金獎 天河路廁格滿佈糞便最惡劣

2022-11-18 12:30

廁所協會今日（18日）公布「2022香港最佳公廁選舉」結果，2022年被選為最急待改善的公廁，為上水龍運街公廁、天水圍天河路遊樂場公廁以及眾郊野公園流動公廁。山頂凌宵閣公廁就獲最佳公廁選舉金獎。

廁所協會一如往年進行「最佳公廁選舉」，在全港十八區400多個不同廁所作實地調查。獲選為金獎的廁所是山頂凌霄閣公廁，銀獎由赤柱市政大廈公廁奪得，銅獎則由中環林士街多層停車場公廁奪得。協會讚揚，山頂凌霄閣公廁符合「香港公廁設計及管理指引」的CASH要求，衛生環境非常良好，廁所內更安裝了四合一非接觸式概念洗手盃。至於赤柱公廁的設施則齊備。

至於最急需改善公廁方面，分別為上水龍運街公廁、天水圍天河路遊樂場公廁及郊野公園流動公廁。其中上水龍運動公廁環境惡劣、馬桶旁有大量廁紙以及廁所臭氣熏天。至於天水圍公廁的一個廁格則佈滿糞便。廁所協會主席蘇金標表示，巡查的廁所當中，為「六四比」，亦即六成廁所有改善，四成仍有待改善。他表示，大多廁所出現的為管理問題，強調廁所有好的員工十分重要，當出現問題可以立刻解決。

評為較差的天水圍天河路公廁屬康文署。蘇金標表示，康文署公廁廁所資源不足，「有用就得，唔好理乾淨與否，總之設施有得比你用」，衛生情況較差。至於食環署接到投訴就較積極改善。協會亦提到，深水埗的鴨寮街公廁及北河街的公廁均於2019年完成翻新，使用人流頻密，但2個廁所衛生情況有差別，關鍵在於清潔工的巡查及清潔。蘇金標表示，政府委派承辦商的質素不一，建議設立扣分制作警惕。

蘇金標亦指，郊野公園有不少新廁所，其中發現大欖郊野公園的廁所多年來有待改善。他指，由於部分郊野公園屬旱廁，如與人流增加又缺乏清潔，就會造成衛生不理想的情況。多年以來仍未能根治，當中多個流動公廁更有設計不良的問題，包括沖廁設備失靈、糞便堆積、廁紙無法沖走等問題，建議配備自動清洗裝置，並促請政府正視及馬上跟進郊野公園流動公廁問題。

無2張廁所圖睇下?

加士居道公廁呢？

流動公廁係街邊屙都去

公廁d 抽氣, 風扇先攞命

翻新完既公廁得一把風扇

夏天時又熱又焗, 好難頂

空氣唔流通, 隨時比出面仲熱

拉返去大概2:10:00 之前

https://www.youtube.com/watch?v=hK7-3o2uDug

會唔會係唯一一個無圖唔會俾人屌老母嘅post

食環d 浴室得冬天至有熱水
限住開放時間
設備又殘舊

康文署d 體育館, 運動場 浴室
7~11 長期有熱水
地方都乾淨d, 空氣流通

呢個協會個名聽落好撚無用
但好似其實幾有用

中白泥公廁好細又污糟

不如講吓自己見過最劣嘅公廁
我見過嘅係以前翠林商場公廁 污糟到仆街

有冇人成日掉亂咗凌霄閣同靈灰閣

其中上水龍運動公廁環境惡劣、馬桶旁有大量廁紙以及廁所臭氣熏天。至於天水圍公廁的一個廁格則佈滿糞便

睇完都覺得只係人嘅問題

蘭桂芳公廁呢！

其實咁耐以嚟都唔明究竟點解用廁所可以用到咁污糟

凌霄閣嗰個公廁宜家冇乜遊客用，梗係乾淨啦

不如叫啲用家自己做好啲先