召喚lihkg所有學神/P牌巴絲 (107)

我上左11堂 兜左6堂其他考場路線 自己考個到未兜過
上堂玩手機 又成日借尿遁 遲到早走又緊

清仲未考？
打算學幾多堂先考？
究竟有無好嘅師傅㗎
真係無聽過有好

3月先考 完全唔知點算

我係頭四堂九龍塘兜圈，第五堂開始去考試場地，大約有5堂左右練考試場地，師傅話一般要個學生操掂架車先去考試場地，我果個算幾好啦

我嗰個都差唔多
上咗二十堂 頭四五堂喺九龍塘 有時兜出去少少練長少少嘅路
之後都喺考試路線
所以我操咗好耐考試路線
老實講呢個安排我覺得係合理嘅 九龍塘係安全少少
適合初學者摸熟少少架車先
第一次去考試路線都係少少騰雞

我睇返，我都係咁。4堂九龍塘練手感，練開車（即係開車時，感受下極力子磨擦點，快手轉2波。），練停車後（即手掣空波），練快手預備開車（即係即刻搵磨擦點加預備由空波轉1波再鬆手掣開車）。係九龍塘開到熟曬，就可以得心應手啲。出到街會知做乜反應。

同埋我師傅好在唔會嘥時間等排隊練泊車調頭。

本身考忠義。忠義街泊車調頭得夜晚先可以俾學神入去練。

練咗半堂，起碼等成15分鐘。佢話嘥時間，話搵日去藍田練。佢話寧願花時間練下係街到遇到嘅突發事，練下反應，好過排咁耐隊，練得嗰少少。

試過練其他地方，試過練考試路線逆線咁行。試過練天光道，吊住架巴士尾，貼一貼咁行（因為好塞車）。

呢啲情況對日後駕駛係有好處。

我學15堂，有7堂都係兜圈，最尾一個月先揸考試路線

我個個算好，起碼溝通到
學油塘頭幾堂冇一刻唔係比人鬧緊
但嚴得嚟最後1 take pass

所以四五堂喺九龍塘兜圈真係頂盡
除非我提出想集中一堂練泊位調頭
咁我都試過返返一堂九龍塘 開慣油塘條考試路線 發覺九龍塘都幾容易
我嗰陣去到後期先做得順暢啲動作 尤其是二轉一波嗰個極力子成日鬆得太快 chok到仆街
最尾嗰幾堂我係一係朝早九點（我考試時間）學車
一係夜晚可以連埋調頭成個考試程序操

如果得一個月練考試路線 我應該會一出考場就肥
我真係練咗十幾堂先有信心考我啲朋友問我究竟學咗幾多堂 我都唔好意思講

有冇得check p牌超速洗唔洗extend?

睇個官判

Extend會唔會寄信同你講
定續個日先知
之前有打去運輸署佢話唔洗extend
但明明過左70比人影到

應該會好似平時違反路面規則咁，出告票俾你。講明會罰啲咩㗎噃。

你張告票到咗未？未到就唔好信運吉署講嘅野先啦。

到左 佢就咁話超15km以下only
罰左錢
但冇其他

咁衰？我係第三堂就去試場
但有D路係學禁入唔到去，要過多幾堂約夜晚或日先入到可以試

咁咪冇事囉～～～

好師傅真係可遇不可求
就算俾你上堂玩吓電話
遲到早退少少
只要唔揼波鐘已經好好

係我都唔求完全唔玩手機嘅師傅
教足晒考試技巧 大部分時間都專注教車
就算有時用緊電話都意識到危險
我都已經收貨
不過我個師傅冇試過遲到早退
遲到都會下一堂補返俾我
有時我早到咗都照俾埋我 唔會扣返嗰十分八分鐘

好彩我師傅都算幾好
係會玩手機同人傳下語音，但要教的都會教到
無狂鬧無嚇到我唔敢開，有時諗會唔會佢唔夠惡我有時唔記得....

鐘算足的
有時遲少少都會補返，來回開快開慢去到地鐵站位落車差幾分鐘就算啦
我都唔要求佢比我多兩分鐘我轉多個大運

當初我搵師傅嗰陣係完全唔敢抱任何期望
驚太大期望就會失望
最後有個正常嘅師傅已經好感恩

考試上唔到三波係咪一定會肥?

睇交通情況，例如塞車塞到仆街咁想上都上唔到啦，呢啲就ok嘅