幾個月前對面有戶一家三口搬入，我老母例牌同對面打個招呼巴結一下。
天時暑熱，我日頭嚮屋企自然打大赤勒開大度門，點知對面屋個女仔係咁裝裝下，我對佢微笑一下，佢又對我微笑一下算啦。
跟住有一晚個女仔設襟門鐘借鹽，我應一應門就叫我老母攪掂佢，點知條女話：“你攞都得啦。”
“我老母嚮廚房緊係佢拎俾你啦。”
佢又低頭笑。
起初我真係唔為意，後來佢嚟借鹽次數越來越密，結果我買包鹽塞俾佢，叫佢咪再借鹽。
結果佢換成借糖，我叫老母審下對面家人係咪有經濟問題鹽糖都買唔起。
唔問尤自可，一問就鍋河，對面屋師奶話難怪近排屋企糖罈鹽罈長期滿瀉，死咯，條女係咪精神有問題。
然後，我做物流，朝朝一早要返倉做嘢，跟住條女又同一時間出門口，佢問我“次次咁啱一齊出門口，你做邊行？”
我等咗一陣“物流”.
佢想再講嘢時已經出𨋢，冇錯，我係專登嘅。
如是者我每次出門都操控得好好只會回答佢一個提問。
佢終於問我有冇女朋友，我答“有”, 咁嘅勢幾歹都答有啦。
佢竟然冇放棄！ 繼續痴線每一嚟一轉借呢借路，又開大度著晒吊帶背心真理褲，唔講以為對面開一樓一，但因為鄰里關係我又唔可以𨳒𨳍佢。
我同老母講叫佢幫手攪攪條女，點知老母話“乜佢鍾意你咩？我唔覺嘅？你咪多心啦。”
有次搭𨋢條女裝我電話睇我上FB, 我就嚟痴線㗎喇！
