到到契仔學友上台，「兩仔爺」合唱《愛是永恆》後，學友主動跿在他面前，「已經好少人叫我做後輩，到我呢個時候反而好多人已成為我嘅後輩，修哥畀咗所有後輩一個希望，所以見到修哥我都忍唔
住要下跪，除咗老婆，我好耐都冇跪過人，呢個係為你預早祝壽。」對於契仔這份心意，修哥感動得眼泛淚光。
【原不敢請學友 怕對方破費】
修哥爆，這次90歲演唱會原不敢請契仔學友，因怕他來不到的話，對方又為他破費，「原本我唔準備叫佢嚟做嘉賓，因為86歲時候，我喺紅館做演唱會，咁啱佢喺新加坡開騷，冇辦法嚟到㗎嘛。咁點呢！佢忽然諗到用人造衛星直播過嚟，同我一齊jam歌。
我話無端端為我使幾甘萬為乜呢，所以今次冇準備叫佢嚟，但佢whatsapp我：「你演唱會預唔預我呀！』咁冇辦法，唔預都唔得。」「兩仔爺」重情義。
【明年 91歲再開騷學友：我做埋投資者】
學友做嘉賓，還預告為他明年 91歲演唱會做埋投資者。學友說：「跟住落嚟，好快又開.（修哥：你呀？），而家你90，出年91，好似五月天咁，每年開一次演唱會，仲有幾個月（1月)就91。（修哥：睇下有冇人請我啦！）主辦單位話請，出年30幾個，我都夾一份。你睇下個騷高朋滿座，而家啲演唱會邊有咁賣法，真係好鬼犀利。」
張學友都上台跪佢
