屋企氛圍既影響

有冇人好似我咁，由細到大同屋企人幾乎冇傾過計，一年同其中一個人講多過5句已經好多好多，而且講嘅都只係處理文件上嘅事。
父母幾乎冇教育過我，幾乎冇家庭活動，冇同任何屋企人出過街食飯，就算全家一日冇出門都係各自做自己事，靜到耳鳴，每個人都無表情同情緒。雖然有照顧我起居飲食，我好似冇乜覺得要感激同孝敬佢地嘅感覺。
細個唔覺，大個慢慢發現到就覺得好崩潰，抑鬱左好耐。檢視呢啲問題，先發現點解自己至細有咩疑惑，都係自己諗明答案，諗唔明就算，有咩困難都係自己解決，解決唔到都係算，即使覺得無助，都唔搵人幫手，習慣左唔同人地分享諗緊咩，唔依賴其他人，搞到冇咩朋友。
同朋友一齊旅行，見到朋友打電話比屋企人分享做左咩，先意識到我冇諗過要咁做，甚至喺異地根本冇諗起屋企人。
喺咁嘅環境就會覺得做咩都要收收埋埋，唔可以比屋企人知道，所以會覺得有多嘢要等到搬走先做到，如果唔搬，成世唔拍拖唔結婚都好正常，因為呢啲都唔想比屋企人知，唔可以被見到自己有感情嘅一面。
一邊希望以後可以組織有愛嘅家庭，一邊驚以後都係過咁嘅生活。喺咁嘅家庭長大令我人生錯過好多事，唔想以後都係咁。

https://www.dcard.tw/f/hkmacdaily/p/240450791

首先
呢種唔係叫氛圍

好多上一代人都係咁
唔識同人相處，但又照可以結婚生仔
結果成個家庭冇人建立到健康嘅溝通

其實聽你呢個case都唔算最差啦
至少你仲有得選擇安靜，各自各
有啲父母係唔識溝通得嚟又要不停責怪人+控制人

有D位都幾似 習慣左真係唔識同人分享 有時連點同人傾計都唔識

你確定你老豆係你親生？

大把人屋企都係咁

你有無自己講過自己d野先
得罪講句好多人組織家庭都係貪唔用套內射"意外懷孕"
咁養大你只不過係佢地既責任

同你一樣 屋企冇乜溝通
可能因為哩個家庭環境 我對人際關係渴求唔大
我算係人際磁石黎 唔知點解就會好多人識我
但我又唔會做野去維持友誼 所以一直以嚟真正朋友都唔多

我都係咁。自己都唔係好aware自己嘅feelings

健康家庭關係應該係點樣

逐漸麻木，好少覺得開心或者唔開心

練多啲 你仲有十幾廿年俾你去學去習慣

咪家庭關係令彼此嘅生活有正面影響囉

一人一個WhatsApp家庭群組名稱
- 分享自 LIHKG 討論區
https://lih.kg/jmBsGS

就算有都好，都會摧毀自己嘅情緒

真係用一世去補返細個既缺憾

覺得同樓主好似

雖然人際關係唔差但唔知點解同人親密唔到

從來唔會講句早晨
生日快樂同新年快樂呢啲更加困難, 就算講都係冇表情

我同屋企人都係咁
不過我覺得自己問題多D
一日可以唔講多過5句野 多數1句都冇

慣左有咩都唔會同屋企人講 唔會有野SHARE傾計
有咩都係自己一個解決

平時做D咩都係等屋企人唔係到先順手D
燙下衫啊家務個D野/煮野食/出出入入

同樓主好似 變到唔識同人相處

有時去朋友屋企會好羨慕人哋

亦都唔敢諗拍拖 好驚覺得我家庭好奇怪

點拍到拖？

要照顧到自己
經濟獨立之後搬出去
好好建立自己嘅家
但就算搬咗出去同人相處都會kick kick地
因為習慣咗忽略自己感受唔識表達自己嘅需要
呢個就要慢慢調等返
總之就係要自強咗先

我都有類似情況
返到屋企好壓抑
搞到人緣好差
已經唔識點識人
唔知邊個可以幫到我
唔知點樣改變現況