講明先 上4聯以上係開始難玩
隻game去到89季但香港活躍中最早嗰批玩家都玩得約9季 每季有63日
升降班都要一季季嚟無得急, 係要玩到用年嚟計先會有成果
香港社群玩咗年幾已經略有小成 新玩家會拎到一啲香港即戰力用 但點都比唔上大國市場上有好多本地球員可以揀
而且香港球隊喺可見嘅將來都唔會做到最top個班球隊(國際1聯)(除非有人極重課啦 咁就可以幾季時間上到去...掛)
呢隻game少至每日搞幾分鐘 長至每日睇3~4個鐘都可以
有人上咗軌道後會每日拎獎勵, 球探搵個球員就可以第二日再開game
有人每日都望一望市場有咩人, 睇球員戰續同比賽決定買人, 睇自己比賽研究戰術, 睇埋對手比賽研究埋點打對手
一般嚟講每日都會有比賽
而比賽就會以文字形式表達, 玩家可以睇住文字live睇住隊波打成點
就算係文字都好, 有時打得緊湊睇住一個個play都睇到好緊張
直播
重播
每日有比賽之外你所有球員都會有訓練
有啲球員係潛力較高嘅又年輕嘅球員就代表佢幾季後就會成為戰力, 甚至主力
所以球員會係狼定係芝娃娃就睇球隊有無訓練好個球員啦
球探就係唯數不多嘅新球員生成嘅地方
探返嚟嘅球員會喺薪金同留低意願方面有較大優勢
但係球探系統係同抽蛋分別唔大 所以量力以為 升班多閒錢先抽吓人啦
雖然球探可以搵到球員返嚟, 但球探系統並唔係一個好地方for搵即時戰力
如果想補強最好就去市場, 呢度有唔同無球隊合約/合約到期嘅球員
市場嘅報價係報週薪, 姐係喺市場報價4000蚊比一個球員, 如果成交嘅話個球員就會每個星期拎4000蚊人工
唔去市場買球員嘅話, 球隊係無咩可能向上游
以下係香港Basket Pulse discord group
入面好多巴打都喺入面交流 最重要係有咩問題呢度都多啲人快啲答到你
另外打後啲想交易同租借人都方便啲(市場上有咩球員係伏嘅 前球隊經理係會喺度通水比你架)
去到今時今日 初代玩家都仲喺discord研究緊戰術同比賽engine
https://discord.com/invite/gvqc7WwnD4
不過唔入都無所謂 喺post我同其他巴打都會盡量答你 或者喺度吹水