杜牙根無牙套半年後突然崩咗⋯

今日食食吓飯，杜牙根嗰隻牙突然崩咗差唔多三分一

我第一次杜係喺半年前，杜嘅係上顎最入嘅嗰隻大牙，嗰時係牙醫建議杜嘅因為蛀得太深，但係就因為一嚟排期有排排，二嚟我老豆都杜過無牙套都無事所以我最後都無加到牙套。

雖然原本牙醫都話容易崩我都有小小心理準備，但我無諗過幾千蚊撐得半年⋯想問下隻牙咁嘅情況仲有無可能救得返？如果最後救唔返剝牙會唔會有好大影響（我啱啱先18⋯）？崩咗會唔會有機會感染？之前其實有諗過要箍牙因為上排牙唔齊又逼，杜牙根會唔會影響箍牙？上一個牙醫手勢真係好一般想問下有無啲咩九龍區牙醫又收得合理嘅好推薦？唔該晒各位

Lm

撐到幾耐唔關你俾左幾多錢事

杜牙根就係你隻牙死左 唔笠住佢易崩係好正常

你無整牙套而個牙醫有話你知後果㗎喎，同你俾左幾多千無關係
隻牙生喺你度，每日點用係你嘅事，無人控制到。
你隻牙崩咗你應該快啲去睇牙醫而唔係諗之後箍牙嘅事
你隻牙崩成點又無人知，係有機會再感染
到時候你要搵牙髓治療專科去重做杜牙根。
所以你快啲睇牙醫

Lm

我好啲，杜咗兩三年先崩，隻牙而家得返一半
So far過咗半年都冇咩感染嗰啲，不過我日日用牙線同刷牙
牙醫話係可以整返個牙套，不過都唔平，我諗住等下一年公司保險重新計過先去

me too 大概三年幾先崩，已經崩左六七年了，暫時無咩事我就唔想去搞佢