Figure 討論 （123）Sad！又中Sad！我哋餐餐都好撚Sad！

amiami(shit)

我今個月都有隻CD 1號俾錢11號先寄出

射落海
9月27號俾錢
今個月14號先到

呼籲棄用amiami

下次開post加

SOS 團長
旅團 團長
鐵華團 團長
仲有咩團長

貼錯sor9

呢隻垃圾黎

再勁既寶可夢大師都敵唔過無電

睇巴哈先知道gsc創世神亞絲娜出左貨

想問下呢度啲巴打，之前都講過 good smile隻BRS换咗一次都係有瑕疵
結果爭取咗成個月佢終於話可以換多次

其實係咪佢而家轉咗政策，我見啲台仔好多雖然都係要收返舊件，但係佢哋嘅做法係寄一件畀佢哋自己揀完，再覆返佢哋要新定舊，再有人上門收係咪香港係唔會咁做 你哋有冇試過

佢又話呢次係最後一次，咁但係如果佢真係換咗隻仲差情況嘅點算

咁你就要學下，figure係商品唔係藝術品
丙唔係學下自己修復

咁我都知道唔係藝術品，我以前都自己整過修復 斷件 甩色等等 買figure都買咗十年有多
咁但係而家嗰隻係新買返嚟換完頭髮又崩， 之後係件衫送一大粒白點畀你 之後仲答我係經過佢團隊嚴格挑選 真係接受到咩
只係問緊個政策係咪改咗？

因為見佢個處理方法好似係咁轉，好似台仔咁先寄一件，再畀客人選擇唔係好啲咩， 所以就問香港有冇人試過係咁
我以前少少瑕疵係唔會攞去換囉

唔通一間廠商做得越嚟越差我就要因為佢只係商品而去接受佢咩，唔係藝術品都要做好基本嘅品質監控㗎 換隻仲衰過之前嘅畀我

我都認同商品係要QC 無可能出舊垃圾比買家
特別係而家不停加價
但係你話啲廠商愈做愈差
會唔會係自己要求嚴格左
我都玩左十六年膠 由三百蚊隻膠玩到而家幾千蚊隻
皮膚有細黑點呢啲小瑕疵以前到而家一直都有
每個買家同廠商既標準都唔同
你覺得啲廠QC愈黎愈差
我就覺得愈做愈好，
最少我呢三四年買既都無咩問題
最新幾隻仲係我得閒會幫佢地除衫著衫
有瑕疵都會留意到
甚至以前啲垃圾廠甚至later擺幾年都會腳軟出油
呢啲好多廠都有改善
你可以話我低要求
但我超過60隻膠30隻土人
未試過中sad中到係要email代理換既情度
利伸 日日推阿婆出馬路既壞人黎

認真，我唔會買膠要接受佢地有sad
但如果一隻膠你要擔心換第三次都sad既
咁我覺得你一係黑名單左間廠
一係平時做多啲好事積下德

冇話你要求低喎 唔好假設咗我點諗你先
純粹大家討論下啫

但佢而家係喺個黑色bra中間一粒大白點同埋個頭髮崩咗斷咗喎

我都知小瑕疵點樣都有，但係咁樣都叫小咩
good smile 真係買咗好多年，我自己都從來冇攞過去換 膠我就買少d大約十隻 但土人都有過百隻了
同埋我係講緊一間廠商，亦都只係講緊goodsmile 其他廠我都覺得越做越好
點解你會覺得我話緊行業整體
但good smile最近實在不少新聞， 就攞我知道比較近嘅 異域神劍2 焰3次受注再販 頭髮顏色沉咗，把劍嘅顏色畀人改埋
仲有膚色問題，海外版外盒上羅馬拼音直頭改埋做PYRA 唔係HOMURA
但係做呢啲改動嘅時候 ，喺收訂單嘅時候冇任何告知
結果自己都要公告存在質量問題 之後大量補件同退貨
good smile 近幾幾年喺我自己心目中係真係越嚟越差
都可以睇下台灣或者中國嗰邊近年對good smile 嘅品質討論真係多咗好多
之後你可以睇下我今次換嗰隻，地台插位九成人都係有問題，之後你再睇下個品質出成點，台灣同中國係有唔少討論
出得冇預期中咁好唔緊要，但係qc真係可以做好啲吧

哇.....GSC 依期明顯大伏
以前係就係都會有sad
一來機會率冇咁高
二來售後叫跟得足

而家咁都唔係叫愈做愈差
果然市場夠大就必然劣幣逐良幣
出舊屎都會有人護航
唔睇清楚仲以為係GSC貼錢要客人收留舊膠
比錢消費都要諗諗近排有冇推阿婆出馬路

所以我認為你兩件有問題，都只係唔好彩
如果換貨第三件都係差
咁只可以考慮放棄間廠
咁樣唔係正常既質素
同埋老玩家一定知GSC最初都係質素差既一間廠黎
土人200號之前勁多問題又易出油
MAX F雖然可以話係figure界開山始祖
但佢比GSC收購倨陣都成日腳軟同斷件
GSC從來品質都係唔穩定
只係好過幾年就比人吹上天
玩左咁耐膠，我覺得品質最穩定係呢度最多人討厭既壽屋
雖然佢啲膠造型唔係非常出眾
但係膠既品質真係一級品
我隻2016年出貨既kanon ayu單腳企都而家仲好穩

我無話GSC無問題喎，如果換到第三件仲有問題
你唔罷買間廠仲繼續買落去啊
諗清楚我想講乜先啦 用下個腦唔好斷章取義

認真，其實我擔心然後其實只係討論緊佢哋嗰個處理方法
我自己係未換過嘅除咗今次，所以我就係好奇佢係而家嗰個更換嘅政策就係一定要寄過去呀，定係其實以前都會好似台灣咁寄件過嚟畀你自己揀
咁因為我第一次換仲差過我寄過去嗰件，同今次係換第二次唔係第三次

咁所以先有呢個討論，如果處理方法係畀客人自己揀咗兩件其中一件就等於接受咗
問緊係咪地區性嘅處理唔同啫
其實我最主要只係問下以前香港係咪都有呢個處理方法

以前係收起舊先寄新比你
因為有啲買家會扮sad R補件
唔知而家香港政策點樣
希望你知道之後上黎分享下
都希望你第三件件係無sad

我話自己玩咁耐鳩都無大sad
係反映正常情況啲膠唔會太差
唔係話一定無aad
同埋啲膠係愈做愈好
既然大家係都覺得GSC愈做愈差
你就自己諗下繼唔繼續買GSC
我從來都無話過GSC無問題
特別係我呢啲老屎忽唔會覺得GSC好

反而我黑岩嗰啲系列無論係黏土定係膠到宜家都冇油冇斷仲有隻文學少女都冇問題
反而以前壽屋買嘅賢狼同埋戰場原斷地台樁，壽屋買咗幾隻之後個造型真係唔太得就冇再買了
所以可能真係睇人嘅啫，品質都係飄忽

但係我自己個人意見， 我覺得我同你都係討論嘅啫，因為我唔係成日出現喺呢個post

首先我唔知你回答風格係咪咁樣，可能係你幽默嘅一面，但唔使每段講完一段嘢後面就加咩做好事積陰德 推阿婆依啲
同我相信上面嗰位巴打，都可能只係因為你無端端講啲唔關事嘅嘢先可能誤解咗個意思嘅啫
即係大家討論咋嘛，唔使叫我做下好事積陰德之後轉個頭你話自己冇中過大sad但係日日咩推阿婆出馬路 呢啲比較唔關事嘅野 比較無謂 理性討論咪得囉
我唔係成日喺呢個post，所以如果其實係我唔理解你說話嘅方式 我喺度講聲抱歉

年資論
第一隻係figma 超勇者夠唔夠耐？
60隻figma 換過兩次
依兩年黎計 係做得差
唔駛玩家講年資既 係講產品質素同售後既