成日有「情緒」或「發脾氣」既人，其實只不過係一堆非常自私既人

中出飛

物以類聚人以群分

我個睇法倒轉，係覺得好多人經常忽視咗人哋平和嘅意見同溝通

例如當發生一件事嘅時候，你做咗啲嘢，對方覺得有問題想同你溝通，但佢想就住你嘅感受去講，所以無用指責同鬧嘅語氣去施壓同逼你跟佢嗰套，而係好聲好氣咁講道理講佢嘅感受，結果你可能唔認同，又完全忽略咗佢同你講得其實已經有不滿，到後面大家意見都係有分歧，嘈咗一大輪個結果都係你覺得你咁做係啱，無理到佢嘅意見，佢又唔想沒完沒了咁嘈落去，就忍讓咗你，而你就以為你講贏咗佢係你啱佢錯，下次繼續咁做

通常係不斷發生呢啲無效溝通，先會導致最後對方已經唔想解決問題，因為消磨晒耐心攰到已經打算放棄你

咁你觀察都幾弱
發脾氣可以係好無私咁做，發脾氣唔係自我中心，而係不善辭令，不懂表達個人情感。
仲要咁多人正評，真係無撚得救
開post屌鳩人先係最撚自私 不顧後果

有情緒 同 發脾氣
係不善表達 或者當時情況無辦法有效表達會有既反應
細路自然容易d發生，但人人都有控制唔到既時候

壞處唔駛多講，但其實都有好處既
例如傾向將情緒表達出黎，溝通既問題會容易d曝露，亦會易d解決，比起無聲狗咬死人其實有so，熟人攞出黎鬧交其實好過收收埋埋

唔熟既當然無理由受氣，咪無計傾無下次囉，不過個人識人都寧願揀有小脾氣多過任何時間都控制得好既人，太假都係一樣咁煩

琴晚發完脾氣屌人黎

我就係咁既人
努力改緊
可能家庭問題由細到大脾氣勁差

啱
小弟最近都有關係破裂相關經驗
雖然被理解不是必然
但不被理解係難受既

Well said

如果你真係係會去理對方感受
你應該要理解有d人真係控制唔到or唔識
先天嘅真係一種病
後天就係環境影響
我唔知對方係天生定後天
但佢對我發脾氣我第一下係唔會覺得受傷害
會去了解點解佢發脾氣先
係我踩親佢定點？
例如我識有個人係對老豆呢兩隻字好大反應
係大反應會失控打人
呢個係病嚟 佢有睇醫生
我亦試過差d比佢打
但之後聽佢講返原來佢細個比老豆做過好多好差嘅事
造成極大陰影
呢d嘢佢都唔想 佢都想醫好

如果一嚟就認定對方亂發脾氣
咁你都好大機會係自私
覺得自己好委屈嗰類人

認同
所謂情緒都冇錯，只係用情緒黎做藉口
覺得自己既"感受"重要過其他人或道德值價觀等
只係唔想控制自己，以"感受/情緒"任意而行，傷害別人
事實係情緒/感受係一種選擇，係可以因決定而改變

我覺得一係搵個性格脾氣似嘅人，溝通上無咁難，你脾氣直嘅搵返個脾氣直嘅，大家情緒快來快去，嘈完都無隔夜仇

一係就要摸清楚對方嘅性格脾氣，平時脾氣好嘅人通常都易話為，唔會逼人跟佢嗰套，所以好多時越無要求嘅人，一旦講得出口嘅嘢，對佢嚟講其實已經係好大問題，發得脾氣嘅已經係去到底線，但係都繼續被忽視就會死心放棄

等於佢平時可能包容咗你脾氣直，有時你急躁嬲嘅情緒發咗落佢度，可能佢默默承受咗自己消化咗，但倒返轉去到佢嬲嘅時候，就算你堅持做法都可以順一順佢氣氹下佢，即係你強佢弱，佢強你弱，關心下佢點解咁堅持，得就退讓少少唔得都安慰下，好多時情侶嘈交到最後都係嘈態度唔係嘈件事

明你感受 嗰種莫名嘅情緒化
自己都有試過 最後搞走埋人哋

其實發唔發脾氣 都係自私既行為
自己計數好哂得失
再睇下對方讓唔讓你
定無得繼續落去

你可以發脾氣 代表你喺關係中係強勢
你唔發脾氣 就弱勢 或者你比較緊張伊個關係

當然有痴線既關係 就個別討論啦

好啊巴打，都多謝你幫助我🙏

本身唔容易有脾氣嘅人，要數都脾氣嘅人係好容易嘅事
佢哋唔會明有脾氣嘅人 要控制自己=要拒絕大腦叫佢做嘅本能反應 要拒絕同處理當刻嘅情緒再做反應
而呢啲本能反應可能由原生家庭引起 或其他成因

要佢哋改變自己approach 要睇therapist 甚至以年計時間去改善 你可以怪佢哋冇正視自己同搵人幫手，但唔可以怪佢哋有情緒

好多野唔係直線思考 非黑即白 了解下點解佢哋會咁做 先再去話人啦

有時真係人夾人，佢見到你面色唔好又唔識開口問點解，你夏天怕熱又無同佢講過咁可以去多啲室內涼冷氣，性格同溝通上可能真係唔太夾

港女系日日，時時，刻刻，都控制唔到

同路人
但對方已經好瀟灑咁走了

呢D人就好似BB咁
係 成日遇到呢種人
我都有同一個諗法