有無人有睇過完美神作「魔偶馬戲團」

好似又叫傀儡馬戲團
潮與虎個作者畫 我覺得勁過潮與虎
但多數人識潮與虎多過呢套

我睇過咁多漫畫 呢套一路係心目中top 1
完成度高 故事前後銜接得好好
好多小片段都係伏筆 後面一次過爆出黎 邏輯亦唔犯駁
每個角色都有頭有尾 每個死亡scene都好有份量
感動位都好多 尤其尾段 眼濕濕左幾次
無睇過既強烈推薦 一定要睇一次


P.S. 套野同潮與虎一樣 前面有悶場
卷1-3還好 4-7比較悶 但最好睇埋 後面有用
8開始好睇 卷22開始入戲肉
如果覺得前面有啲悶 頂埋佢 值得的


劇透

有 好正 想翻睇了

神作

藤田啲漫畫好有趣
永遠都有會有啲悶位搞到你想棄
然後會爆一段好睇到仆街嘅情節出嚟

魔偶最後我覺得有少少拖 不過都好睇

呢套再成人向，橋又扭得好

月光條例都熱血，可以睇下

最新果套暫時睇得100話左右覺得好一般

主角並不太威能

屌我以為加密左

黑賀村果段有少少長
最後還好 我覺得啲打鬥scene可以省返
大家想睇劇情 無人想睇戰鬥場面

潮與虎故事完美好多

我會咁排

潮與虎>魔偶>月光

係，計故事完整係潮

我無記錯的話
最後好似有個反派洗白咗
然後好慘咁俾人分屍

果時睇到都覺得sad
因為果個反派都好有人性。。。

好好睇，雖然好多年前睇過唔記得劇情
但果陣我一口氣睇曬潮與虎同魔偶，感覺係魔偶啲設定有趣啲

潮與虎翻睇過不下十次

都ok我鐘意魔偶多啲
潮與虎都正 不過我見魔偶少人講
推廣下

yes, 我比較鍾意潮與虎，成個結構比較完整
魔偶bug位比較多，但某d段落的確比潮與虎精彩

睇漫畫呢一幕真係好震撼！
好記得漫畫2頁去畫之後果一幕

睇完潮與虎再睇魔偶

記得完整度好高 但好多故事唔記得哂了

戀母狂
佢呀媽條伏筆埋得勁深

魔偶睇得出扭橋, 搞到個故事好多bug

黑賀村敗北
係個故事最後階段又整一大編成長戲，
即時跌晒watt
最後無臉司令咁樣俾人說得法你係咪玩鳩我？

主角溝女日記
係有啲 而且果幾條女後面都無戲份了 顯得有啲多餘
不過成套黎睇個結構ok 岩岩高潮完 比一段你休息下 然後再高潮

無臉司令我都覺得牽強
可以接受既 套野既主題始終係人性既善 ok啦

魔偶中段累贅左少少，如果可以縮短少少會仲好