[借位比朋友post, 佢費事自爆連登Account］
最近有朋友就生日諗住買禮物，見到網上彈左個post係賣lulu衫（ig: luxxpixjax)見幾得意就打算買黎送禮，結果呢間店係極度無禮貌，所有野都要問兩次先有答案。一件衫仔價錢都高，成400-500蚊，都係想了解多少少，就比人話無心買浪費時間。
1. 想了解「萬聖節南瓜」同「跳跳虎」，朋友喜歡跳跳虎又近萬聖節，所以主要考慮呢兩款，問下價錢。店家話唔同造型唔同價錢，所以直接send圖問。（圖1-2）
2. 來圖問兩款嘅價後，店家問預算幾多？我對呢方面唔知價，所以無特別「預算」，只係想了解圖中兩款價錢，比較下要邊款。然而想了解兩款價錢同我有幾多預算又有咩關係？我預算少d, 價錢就會低d? （圖3）
3. 第一次店家回答南瓜「$4xx up」。試問作為客人，第一次買想了解價錢，賣家話$4xx up即是幾錢？ $401又係$4xx, $499又係$4xxup。價錢都可以相差好多，我當然知無「自由定價」啦，打$4xx嘅意思係邊？要再問第2次即係幾多，先可以答到$499 & $559😵💫（圖4-5）
4. 好啦，你可以話價錢都知啦，仲想點？想問少少訂製資料，又係到講「限定款式，數量有限，售完即止」，明白手工野係限量，只係問清楚係唔係現貨，售完係咪無得再訂等等（因為維尼款一直都見佢有keep住post，賣完又有，售完即止又係指咩？）。店家又重複提及「限定款式，數量有限，售完即止」，個意義又何在？第一次買想了解清楚少少購買/訂製流程都有問題？正面回答好難？
5. 一句「不如你睇清楚d先？」可以咁無禮貌都有。講真所有野都要問兩次先有答案都算，大家買賣問清楚訂購詳情，都可以咁樣回答。然後話人無心買，浪費時間。會唔會太誇張。
6. 最後店家指「客人無正面回應預算，要知道預算，再提供合適產品」（圖9），其實你唔講我都唔知我嘅「預算」咁影響到買唔買到圖中兩個指定款，因為我無答「預算」而令你咁對待。一早已來圖想知兩款價錢，又唔係按預算而等你介紹其他產品😓
7. 當然店家係有答到價錢，想知嘅野都得到解答。只係所有野就要問兩次，做生意明碼實價$499咪$499，$559咪$559，第一次問又要答人$4xx。簡簡單單來圖問價，直接講價錢好難？想知問下「限定」係指邊款，又要重覆答d無意思嘅內容。就係見係有重複post，先問下會再做定賣完現貨就無。
答你就答啦
