是咁的，小弟係大約半年前左右，做嘢個陣手腕扭親，仲記得傷個下係好似撕裂咗啲嘢咁，但照從小嘅經驗，扭親都係卒下跌打酒就算。
直至兩個月前，手腕脈搏位突出咗粒嘢出嚟，初時以為係用得多滑鼠嘅枕，所以無乜理佢，就係兩個禮拜前，發覺粒嘢越嚟越大粒，硬硬地好似軟骨咁，仲要手腕大幅度郁動嘅時候有啲緊緊地嘅感覺，我就開始驚喇。
跟手去咗睇個啲中醫跌打，佢就話係「水瘤」嚟，幫我分析下點嚟同啪返隻手啲骨先，最後就攞咗支針嚟幫我”篤‘’串佢，留咗啲黃黃地嘅啫喱出嚟，仲幫我針灸隻手，然後叫我唔好郁隻手腕幾日，比咗啲藥比我敷，帶護腕幾日。隔咗5日左右，我返去複診，係佢指引下，試下扭動下隻手腕，開頭都還好，見到粒嘢真係無咗，但隔咗半日之後，粒嘢又生返出嚟，雖然無之前咁大粒，但我覺得好似根本無撚分別乜制，而家都唔知返唔返去比佢睇好
我有上網搵過資料，知道復發機會好高，無完全根治方法咁制，但我而家真係唔知點算好，好無助，雖然知道唔係好大件事，但所以有幾點想問下各位巴打
1.如果無影響日常生活，就得佢的話，有冇後遺症？
2.黃色啫喱係咪無限生長？如果做手術切咗佢，會唔會骨之間無咗啲啫喱，會導致摩擦有後遺症？
3.而家應該點部署？
4.搵邊類醫生好？有冇推介？
誠心發問
