日本 四國 新手自駕遊

Plan左年尾同屋企人 四個人去四國 第一次自駕遊
我同老豆有車牌 佢雪藏牌 九成時間都會係我揸
行程會係 德島 高松 袓谷 高知 松山

我自己喺香港日日都揸車翻工 港島路線
想問第一次自駕遊就揸七日會唔會好辛苦
袓谷地區啲山路會唔會好窄好難揸
香港有冇類似地方可以練習吓
深淺赤石我都揸過 覺得OK係慢慢揸集中精神就得

日本泊車多唔多地獄停車場
係咪基本上啲車都會有前後鏡頭同sensor
https://www.rentalcars.com/
我喺呢個網站睇 租車價錢係可接受 不過佢冇寫有冇sensor

同埋行李方面 兩個大喼一個中喼 租架jazz得唔得

感謝大家 第一次自駕遊有啲緊張
去到再影相俾大家睇吓

如果你成日都揸深淺赤石，唔係揸入d酷道，勁長單綫兩程個d，完全冇問題

見你d地方都大路，正路就唔會入到d酷道

停車場如果係多層或平地劃線個d係冇難度，d位劃到勁闊，通道都闊落

係要入lift個d機械多層停車場會窄d，多數前面會有塊鏡俾你睇位同有個呀叔指揮你，問題都不大

後sensor就大部分車都有，前sensor就多數冇

日本樂天租車～ 抵

揸車就慢慢揸啦

可以揀啲新年份車 加 保障保險

好易揸的 高速有唔少休息站
窄路細巷唔少 不過導航都唔會導你
轉左轉右小心啲 行人好多時都一樣綠燈
由其轉左 有時有單車電單車係轉左線直行

祖谷的話我建議你跟車入面個導航行 盡量行大路
之前試過跟google行咗山路 兜撚咗個幾兩個鐘窄山路 沿途冇乜人同車 仲要有好幾段路收唔到電話
但景係靚嘅 揸完呢條路起碼level+5

唔係成日揸深淺赤石 加埋10次左右
我就係怕有酷道
有次揸西貢啲單程路 要喺山邊倒後上斜咁讓車 都幾緊張

未聽過樂天租車 等我上網睇吓先

2019渣過

試過一日500km 咁渣

記唔記得係邊條路線 我唔想入錯

自駕唔難

樣樣小心就可以

係怕就提早規劃行程，導航出左路線就用街景睇睇先

日本導航我用開Apple Maps，搵資料就用返Google

Apple Maps正路都會點你行大路

4個人，2架Jazz 先夠坐🤣

香港用開Google map 宜家研究下Apple map先

試下google map search下德島去奧祖谷二重橋
我果日係由德島>奧祖谷二重橋>祖谷蔓橋>小僧屙尿果邊

唔想揸六人車
徳島 冇咩選擇 我睇過得 jazz / aqua 尾箱最大
如果唔係就得啲大發 kcar / Mazda 2

同我之後條路線一樣 你有冇喺大步危住返晚

我住咗和之宿一晚 間野夜晚有得車你去蔓橋睇下 好有捉鬼feel

真係幾creepy

祖谷其實唔難，都係大山level 高少少

啲山路唔係快，唔係急，係揸到攰

建議你轉7人車，4個人坐Jazz會好辛苦。
渣得果幾日，渣咩車有咩所謂呀，最緊要家人坐得開心。

我地一家四口去，都係租7人車，試過noah同佛。
起馬坐得舒服，車尾又擺到幾個喼。
Jazz坐4個人，後面重夠位擺行李？

Jazz 唔夠位放行李
要旅行車先至裝到。細七人車裝唔裝到都成問題，因為就算尾排摺起，啲櫈都佔位

4條友3個喼 1部Jazz

Jazz自駕遊最多兩個人，三個人都忟水

樓主之前有冇係香港渣開車