當奴突然爆出跟結婚多年的太太張詠恩（Jan）離婚，他亦承認已經離婚五年。問到有否影響心情，他輕鬆表示完全沒有：「講咗出嚟超舒服，反正都發生咗好耐，咁所以我都覺得冇乜嘢。」他指不是刻意隱瞞，只是一直找不到機會公布消息：「機會嚟到咪講，記者問，我就話係呀，佢都話『吓！』咁樣。」
阿Jan有否來睇騷，當奴透露她昨天已前來觀賞：「佢知今日有記者，就噚日嚟咗睇總綵排，多謝晒大家。」他重伸與阿Jan如家人一樣，少爺占亦不擔心新聞會影響當奴情緒。問到守秘密是否很辛苦，少爺占笑言：「我以為佢講咗畀好多人聽，前幾日先知佢淨係話咗畀我一個人聽，我又好保守到秘密嘅。」有機會與阿Jan復合嗎？當奴說：「答你唔到呀，等下一世緣份仲喺唔喺度，如果你相信有好多世嘅話。（相唔相信下一世都會相遇？）承你貴言囉，真係答你唔到。」