中大新校徽笑到我仆街

強

老實講 真係壞潮流
新派大學就話簡約啫，幾百年歷史嘅簡約做乜尻

Typography baseline唔係技術，係做字型嘅其中一個visual balance guideline嚟，所以唔係搵出嚟，係個設計定出嚟。

一般嚟講，圓底嘅英文字母會比baseline更落，只有平底嘅英文字母會完全貼住baseline，佢可能覺得喺舊嗰個logotype之下，Gooe，距離baseline嘅距離太遠，導致成個logotype放到好大嗰陣（大型外牆/banner）會俾人感覺唔align，一高一低咁，而新嗰個l落咗1px（姐係baseline跟住落咗1px），喺同樣情況下，相對視覺上嘅高低會更加貼近，視覺更加平衡，但如果圓底嘅字母同平底嘅字母都同樣係貼住baseline，電腦數據上會好整齊，但肉眼睇就會明顯覺得個高低差好樣衰，會好似小朋友寫字咁。

字母間嘅space(kerning)都係無正確答案，佢嗰陣嗰logotype係有襯線字型，姐係啲邊角好多勾嘅styling，而呢啲勾會影響每個字母之間嘅kerning平衡，例如G中右邊嗰勾，同隔離個o擺埋一齊，因為個勾突出嚟，造就咗凹入去嘅位（G字嗰一豎）同個o字之間嘅距離多咗，但oo之間又無咁多因為勾嘅凹凸而產生嘅多餘空間，咁為咗視覺上令到Go同oo之間望落係差唔多闊，就要將G向右移，即使G個勾同o嘅實際距離比oo之間短，但因為Go之間多餘嘅凹位會彌補咗視覺上嘅空間，所以望落Goo三個字母擺埋一齊，都唔會有是但一個字母突然離得好遠嘅感覺。

Logo design好多嘢喺電話係睇唔到分別，但啲人就認為無做過嘢乜乜柒柒，但又唔知logo嘅泛用性，媒介有幾廣闊，會放到幾大，印刷/顯示媒介嘅技術進步到幾精準，1px嘅距離，放大一萬倍就係一萬px，而google咁大個brand，佢嗰logo要放到極大嘅實際需要係數之不盡，所以睇唔到/唔識睇係咪等於無呢？

新既一眼睇落去勁似雞

神鳥鳳凰你識條鐵咩

女人做行政係咁啦

有呀屌

唔該巴打咁詳細解答

我就喺覺得Google無可能唔會洗200m做無謂嘢
對pixel嘅理解只喺會影響平時mon顯示出嚟嘅質素

睇完你講先明原來有咁嘅應用

巴打平時接觸開d咩/讀咩所以識依方面知識

就係讀design

淘寶設計師係咁上下

好講唔講推配色黎講
當初成立果陣建築群維持白灰色係想營造宋明書院果種樸素style，鮮色本來就唔應該

逸夫科學大樓真係核突喎

一望上去成間就係逸夫大樓最矚目
但真係不倫不類wor
做咩？依家覺得自己好撚型？
校徽本來就係代表成間學校最重要既野
改來做咩

望下cityu 柒撚到講都費事

無學生會幫手監察校政
由得班屎忽高層自己搞，就係咁結果

香港野雞大學