淘骨灰盅　為母友人辦身後事港男欲淘骨灰盅　香港價錢至少貴3倍網民反應兩極

香港不單樓市貴，連陰宅都好貴，最近有一名港男欲幫母親的朋友辦身後事，希望盡綿薄之力，不過在港辦白事，花費不菲，因此港男欲在淘寶購買骨灰盅，於是在社交平台群組淘寶開心share中問網友「請問有冇人淘過骨灰盅呢？」希望獲得有用的資訊，不過網民就反應兩極！


▲ 不如問吓用家意見。

有網民認為港男淘骨灰盅對先人不敬，畢竟網上購物不能看實物，如果出現漏骨灰的情況就不好了。有網民稱香港的骨灰盅最平都「二三千起步，淘寶連運費五百至七百有找」，記者翻查淘寶，骨灰盅由幾百到幾千元不等，有平有貴，不過相比香港仍然便宜，有網民就指自己有淘過骨灰盅的經驗，認為香港食水深，其實質素與淘寶相若，價格比香港價錢至少平3倍。
不過都有網民嘲諷港男「棺材淘唔淘」、「記得淘埋金銀衣紙」，亦有網民出來為港男護航，指他為人善心，稱「好人好報」，更指嘲諷樓主的網民「積口德」。

骨灰盅點解咁貴

有得揀不如倒落海算.. 邊個想死左都要住係劏房

香港除咗食品工業，幾乎冇晒工業啦
啲鋪頭咪又係淘完轉手賣俾你

唔通有ig shop嗰啲「聲稱」本土手工製作咩

香港買既咪又係支那貨

香港食水深唯一係骨灰盅有問題,一定會換
大陸平幾倍不過出事食自己

我兩隻貓貓既骨灰龕都係向淘寶淘返黎，唔關價錢貴唔貴事，只係向香港見到大部份都好唔啱心水。

聽起來好抵但有無人諗到骨灰甕有機會點出事

香港嗰啲咪又係大陸落嚟

香港鋪頭入貨都係淘返黎

出事再買多個仲有剩

平嘅話800都有

製作有咩講究 我覺得2-300都差唔多

因為香港做殯儀嘅食水深
呢個係事實

外觀同啲材料冇咁靚囉,人哋都係做生意啫.

用果同用料平3倍你會唔會考慮

其實買個靚嘅玻璃樽咪一樣
反正都係封入龕位

冇咁嘅事
成本一樣

完全無問題
香港果啲咪又係大陸嘢

其實一樣
香港mark up之嘛

得,反正我連買位都唔使！將我啲骨灰散去外國就得！

其實有冇標準size? 一陣大陸size唔同, 擺唔落香港啲骨灰位

香港要計埋租金水電費
而且都唔會佢地整,類似你係香港係代理買
係中國就原廠買?

家人在佢手 敢怒不敢言