iPhone 14/pro/max/plus 手機套/保護貼討論區 6

睇前post有話信和/星際都好似有

spigen air skin點睇？
官網睇好似薄得嚟又有少少氣墊
但好似冇人問津咁

前面啲post有人買咗有圖，你開圖片模式搵下

請教你，所以Mon貼係咪貴真係有貴嘅好？

呢度啲人成日都鬧交淘寶貼同imos貼嘅分別，真心想請教

之所以我加個「真」字喺藍寶石前面係因為太多叫法，有啲叫「藍寶石」係形容詞嚟，而通常藍寶石都只係借代氧化鋁呢種物質而唔係名貴天然寶石，所以都唔可以一概而論，要check下佢實質係咩物質。加上得玻璃/氧化鋁礦物其實係黏唔到落個電話度，所以佢黏合嘅物料都同佢耐用程度有關。

其實上面呢part要比較非常複雜，不過整體買大牌子嘅話即使冇保養都有信譽打底咁解。淘寶好處係平，除非佢所有用料包括黏合物同塗層係一模一樣，否則同imos冇得直接比較，冇咩討論嘅空間。

總結嚟講，價錢同質素都冇直接關係，兩樣物質都係非常廉價嘅材料嚟，選擇呢啲mon貼同大部分人買股票嘅準則應該差唔多。

Imos所以係真靚嘢？

呢度成日鬧交，貴貼屌平貼，平貼屌貴貼

所以難得有真正學術討論好想繼續研究吓。

究竟貴貼貴在哪裏，從而去討論個性價比值唔值得。一張貴嘅貼可以買到好多張平嘅貼，所以究竟買一張貴貼用好耐會抵啲，定每三個月換一張平貼性價比高啲。

最大討論點我覺得可以係

1. 防花度
2. 疏油耐用度
3. 抗跌，爆Mon保護度
4. 透視度？

保唔保護到個mon？

好多貼都係貴得唔合理，不過即使物料一樣，處理嘅方法都好大機會有唔同，有冇加嘢入去增強保護力都係一啲值得討論嘅點

你討論嗰四點
1. 藍寶石贏
2. 視乎塗層，而且有壽命限制，所以可跳過可不跳過
3. 硬嚟講就鋼化玻璃贏
4. 兩隻物料比較下，物料唔係主要因素，所以跳過

至於換mon貼絕對係衛生問題，即使冇表面花痕，都應該定期更換，有傷痕就必須要更換。我知近年有「專家」講話用酒精清潔就ok，不過我諗佢哋係有忽略mon貼係有膠嘅部分，酒精消毒後細菌會好快繁殖並大量孳生。

有錢就攻頂Imos 啦

大家覺得官皮定官膠好啲
隻手偏細想部機輕薄啲同好揸手啲
還是有其他更好選擇

14pro

咁耐？我一日唔使就入咗

14 pro / pro max ,可以cover埋鏡頭既防跌套好似唔多

代代aj都好易入塵 真係唔好再買

其實全部殼都會入塵
只不過透明最覺眼
所以我日日都清一清

個個post都提咗無數次買黑磨砂入塵冇咁覺

不過我想知道imos保護貼有蘋果官方認證嗎？因為以鏡頭貼為例，佢設計係不鏽鋼，都好大機會會傷害到鏡頭，蘋果應該唔會批（我只係知道好少好少，大概知道佢哋批個方向）

有無咩鋼化mon 貼係無咁黐手指模，又簿？

手汗多既人

我真係用開belkin，純粹係怕麻煩，冇咩特別研究其他

belkin嘅玻璃貼用得耐會有刮痕，不過真係唔太黐手指模，大約一年先換一張都冇咩問題

如果為衛生，睇嚟淘寶平貼抵玩啲，$30 一塊，三個月換一塊，一年都係$120 ，三年都係$360

仲唔洗驚爆同花