星座愛情觀（天蠍座入嚟啦）24

因結婚前發現自己仲係未放低到天蠍前度
同一個一齊五年嘅獅子女友分咗手
我知自己衰仔
但發現自己有問題就唔想再錯落去
始終結婚係一生一世嘅承諾

啱啱天蠍前度生日
其實7年無聯絡
諗起以前我生日佢都有同我慶祝
所以我就膽粗粗send咗句Happy Birthday諗住破冰
點知即刻被封
我早兩日仲寄咗張卡
我覺得佢收到都唔會開心
只會覺得我煩
希望郵局寄失

我係想覆番上個天蠍座post你個comment
分分合合左幾次既獅子女
又真係比你講中左 比我發現到應該似有第三者 

如果唔係好嚴重既問題既話
有可能會 但天蠍可以好狠心
勸你move on好啲

我雙魚 佢天蠍
雙魚鍾意被需要 天蠍係需要人控制慾好強
我好享受佢每日都管住我 每日都黏我果種感覺
兩種唔同性格既星座偏偏走埋一齊可以互補不足

自帶神秘感的天蠍座總能吸引雙魚座的目光，滿足雙魚座對愛情所有的幻想，而柔軟細膩的雙魚剛好能夠溫暖蠍子的心。
一個喜歡虐人，一個喜歡被虐

曾經我以為可以一生一世，如今我錯失了

佢講分手，我無再挽留，我唔想再情緒勒索，按照自己的意願去選擇，佢都好狠心咁都放底左我了。

如果時光可以倒流，就算明知會再經歷多次失戀既痛楚，我都願意，因為我真係好愛佢，呢幾年真係辛苦你承受我地之間解決唔同既壓力。

雙魚座既我會一直游走，直頭有一天你完全唔需要我呢位朋友既時候，我就會默默離開，我說過我永遠是你的避風塘，天塌下了我也能為你撐起，只要你唔開心，我一定會係你身邊陪住，直到你消失。

以為係自己留言
情況完全一樣

可以入去問吓

唔記得邊個
咁跟住點

呢單真係得佢先會覺得自己冇錯

點樣覺得自己無錯？
我覺得內疚難過係咪又要打出嚟同所有人講？
如果唔結婚分手係錯
咁係咪明知唔啱自己都要夾硬結婚先叫啱？
有好多事都係最近同居幾個月先發現唔啱自己
試過同佢溝通過無改善想分開都係我錯？
點解提出分手嗰一方就一定係錯？
咁之前我無緣無故被分手又係咪一定對方錯？
我覺得愛情無絕對嘅對錯
只要其中一方唔想一齊個關係就結束

it's all abt timing and compromising.
所以我不嬲贊成同居
生活細節要一齊住埋先發現
你哋有冇試過攤開所有不滿 三口六面講清楚先

你錯係錯在太遲同居同攞ex做藉口
解決問題 唔係逃避問題啊 先生
人生無幾多個五年
你係曬咗佢嘅時間 as well as你自己嘅時間啊

9月頭嗰陣試過同佢講有啲咩我係接受唔到
特別係佢一發脾氣嗰陣
我根本同佢係完全溝通唔到
我想冷靜同佢傾
佢就句句頂到衡
以前未同居嗰陣佢過嚟我到訓
耐唔耐嘈交佢都會話返娘家住幾日
咁我可以有幾日放空自己俾自己思考下
自從一齊住埋之後
叫佢返娘家住幾日俾少少空間我已經即刻嘈交
同埋開始郁啲就嗌分手
呢樣我最憎
我嘈咁多次交都無主動講過分手呢兩個字
因為我知自己性格
講咗出嚟我唔會返轉頭
同埋就算分手我都希望係大家冷靜坐低咁講
有時OT做得夜又成日懷疑我去滾
既然日日鬧交信任又無埋再一齊落去大家都辛苦
早啲分開好過啦
同居呢半年其實辛苦過之前4年好多

咁衰咩？你講啦？
唔啱自己都要勉強喺埋一齊仲要結婚先叫啱？

再補多一刀
人係好善忘嘅生物
時間耐咗 唔開心嘅野會先被遺忘
所以過去永遠好似比較好
你掛住嘅係回憶入面嗰個ex嘅image
只係因為你唔記得咗當初嘅唔好
點解當年你同個天蠍ex會分手
無事無幹會分
你自己諗

都有朋友同我講過類似嘅說話
令我都懷疑係唔係自己問題對方先會離開
對方之後有約我出嚟交代返係佢問題所以想分手
都同我講咗好多次唔係我問題
咁我都唯有信佢講
只係我覺得分咗手無咗個5年嘅朋友有啲可惜
話哂未一齊之前都真係好friend
至少大家有咩大小事都會搵對方傾嗰種
坦白講你話對我好嘅一定係現任
只係性格上好難住埋一齊
掛住前度係因為感情遇到困難嘅時候
覺得前度比較了解我
所以佢依家封鎖我
其實我又唔係真係太難過
只係覺得失去一個多年嘅朋友有啲可惜

有日忍唔住問佢個fd佢係咪有新女
因為我fd見到佢post去左迪士尼 cap左比我睇
然後又係啲common fd睇到佢同個女仔有條一樣既手繩
之後前排佢重懶係野禁打啲傷感既caption
然後佢宜家del曬我所有fd