【港講動畫】《Cyberpunk: Edgerunners》：人機改造的物種階級，月球幻夢注定終歸虛無

戈登探長

100 回覆

119 Like 4 Dislike

pliskin 2022-10-23 02:32:03

唔知巴打有冇跑過全馬，三項之類既長跑
有呢種體驗就會明明地maine既諗法，明左maine既諗法就會明david

響一條近乎無限既跑道上，身心都頂唔住既人就會開始放慢，提唔返之前個體能狀態，每況越下，俾人潮追過，甚至逼住退出，所以d選手係會一路谷住頂落去唔會俾自己真係慢落黎，佢地計劃既係體能唔係速度，所謂既留力只係留低一開始既步調，而對體能要求係一直一直咁上升既，例如一開波佢地用50%既體能，之後因應體力下降，就會逼自己上60，70，80，90咁去，當然速度上唔會係咁，佢地始終係一路一路慢落去既，一直都係以體能既壓注對抗速度既下降，所以注定左唔會話留力一開始50，之後30咁，一旦降到30，佢地就上唔返50以上既體能，更莫講過上到80%，90%咁，除非最後階段，佢地會借用埋之後既體能，120%咁爆，而maine既人生，就係一個冇衝線／未去到衝線既人生

我地現實人類跑步係一場比賽，只係人生中既一小部份，但對於maine黎講係佢既人生，響呢條路上面，如果佢放慢，佢就冇機會再上返去，生活狀態會每況越下，高改造度既花費，維護，食藥，果度好大生活壓力，佢一降級，但佢仍然要食藥，仍然要維護d改造，但收入會下降，維持唔住個食藥同維護品質，又拆改造，又降級，咁樣生活會越黎越走下坡，俾環境即係夜城追過，活得越黎越冇尊嚴，所以佢簡升級，身體頂唔住，就再改造，改勁d，用改造搭夠，接d任務再高階d，多d錢食靚d既藥，又改頂級既改造，直到佢做到一份夠佢脫離環境壓力追趕既job，或者自己爆計，所以佢會買沙坦黎裝，果條沙坦來源係人都知上手係神機錯亂者，佢照買

呢個就係佢生存方式，一直前進，上唔到高峰就收皮，大家淨睇動畫，完全冇cyberpunk有關其他作品既了解下，有可能會輕視左夜城既壓力，夜城連叢林法則都師唔上，上流同下層有極大鴻溝，要向上就要乜都賭上去，如果向上爬既過程中你慢左落黎，就會淪落成混混，之後出賣所有可以出賣既野，之後卑微咁死，特別佢呢d高度改造人，要維持副計唔係一條大數咁簡單，要逃出去夜城以外都好，日後既維護成本都會頂唔順，佢地係改造到一拆d改造物就會死，或者變人棍，用低級野頂分分鐘會加劇神機錯亂，唔係rpg話換就換，話就話降級，成本極高但降低能力保障唔到收入，好難既

而david就係一個承接他人夢想而活既人，佢老母，maine都叫佢向上爬，而向上爬行唔到公司社畜既路，就唯有maine條路，不斷升級啪藥行落去

而佢要完成lucy既夢想，最大阻力反而係賺到呢d錢之後佢既身體，有錢上月球冇錢維護，月球仲更加荒窮d大開發階段黎，維護，物資，藥物更加難，有明白cyberpunk世界觀係點的話會明，外界更加係食物都難搵果隻，改到david咁其實已經已經離唔開夜城，離唔開呢條路

戈登探長 2022-10-23 13:05:02

尋晚又睇多次首歌同MV

長穿褲爛 2022-10-23 13:34:14

巴打解釋得好好

解決壓力嘅方法本身就會增加壓力, 所以只能夠不斷追
世界上好多野都係跟呢套邏輯走
搏嘅只係爆煲前呢段time window

戈登探長 2022-10-24 00:21:59

套劇完全帶紅返隻驚

戈登探長 2022-10-24 23:48:11

根本無得停，由一開始已經係咁

David係屬於背負人哋夢想而活嘅人
母親、魅音、Lucy⋯⋯
佢要keep住呢個地位、權力、能力就要搵命搏
一停咗隨時比人哋追過，變返以前咁無力
呢個就係夜城嘅悲哀，David嚟講只有咁樣做

允行大戰陳老師 2022-10-27 04:12:27

劇本正路
但節奏同氣氛屈機

唔知點解覺得男主女主分開前鬧交嗰幕
好王家衛

Rebecca 死嗰下都好突然

雖然都預冚家鏟
但嗰下完全喺我意料之外

成套戲嘅感覺好古惑仔
片嚟片去最後咩都冇晒

允行大戰陳老師 2022-10-27 04:13:49

因為再唔搵夠就壞掉冇機會
換咗廢件點食大茶飯
Maine 都係唔想走下坡先夾硬嚟

允行大戰陳老師 2022-10-27 04:15:15

諗住等多陣再玩

連登第一窮撚 2022-10-27 04:56:15

拎左黎做wallpaper 多謝巴打

睦目讀獨 2022-10-27 10:54:53

呢個style好fit甚至應該要寫sad end
挑戰大財閥控訴資本主義但個人力量太小本多最後都係終勝

pliskin 2022-10-27 17:47:50

cyberpunk本身就會係sad end啦
本身係透過表達過度發展資本主義，極端依賴科技之下人類特別係醉生夢死果班人既生活，表達出會引發既社會，政治問題，黎警示現今世界

如果角色響入面搵到烏托邦／安身之所／善終，咁就同佢世界觀大相徑庭

就好似入面d人去改造，其實就係主動變成傷殘人士，冇事冇幹就去換隻手，換隻眼，甚至換脊椎，個代價就係離唔開神機醫，離唔開技術發達地區，即係離唔開夜城

但點解會變成常態，就係來自上層既壓逼，上層既人本身有錢，再通過優良既改造，形成一條下層人冇可能跨越到既鴻溝，現實世界即使有資本主義，有貧賤之分，但身體條件大家都係均等，或者相約，窮人可以出賣身體，勞力去獲得生存，甚至上流既機會，因為身體仍然係有價值既，個價值來自於眾人條件相約，體力，智力，時間，都係大家最初始都擁有既資本

但極端改造人體科技既出現，富人首先掌握技術資源，連身體能力，資訊掌握力，智力，時間，都大大領先於窮人之下，個社會甚至唔需要呢d窮人出賣勞動力，變左佢地永遠冇可能向上流，要搵到一席之地甚至要出賣身體完整性，靈魂，先有跪住乞求富人既機會，去改造身體，去追達到雇主標準既性能同時令自己離唔開供應既企業，等同接受永遠勞役出賣靈魂，呢個就係社會常態，致殘改造變得理所當然

david本來係唔想裝沙坦既，佢寧願拎去賣，高級改造意味住人生唔靠企業就係加速走向終點，需要極大覺悟，令佢裝沙坦既契機係個富二代唔止有錢有勢，連肉搏都冇得輸，係最原始果種身體比較上既唔忿氣，係要打到個富二代仆街先咁做，但同時宣佈左自己早死，佢之後都係過得一日得一日姐

好多野響cyberpunk社會理所當然咁演左出黎，但我地從現實社會角色諗深一層，果d唔應該係理所當然既事，例如響完整身體之下改造血肉之軀，啪藥，死人當兒戲，人命完全冇受到尊重等等，呢d全部都係對今日世界既警示，試問係警示的話，又應唔應該俾入面既角色，得到令人響往既生活，令觀眾去響往呢種世界，呢種價值觀既社會呢?

所以d角色完全唔係求奇死，係咁死，為死而死，而係佢地生活於咁既世界，有咁既結局先係正路，係用黎警剔我地

pliskin 2022-10-27 18:03:43

好似保特，播求，靠身體去贏個世界既人
或者d靠讀書，毅力，技術，去出人頭地既人

響cyberpunk既世界係唔可能
諗下juno換個樣，換個喉，唱歌好聽過學友靚仔過劉華
向佐換隻腳裝個大猩猩手臂就屌打播求

咁既社會有錢人玩哂，窮人死得有尊嚴已經算好好了

睦目讀獨 2022-10-27 18:31:58

未必既你睇碳變個d咪唔係sad end

戈登探長 2022-10-27 22:46:17

點解大家睇完都覺得咁可惜？
因為大家都知道呢段戀情有幾咁美好

戈登探長 2022-10-27 23:58:04