逃避依戀型人格
我係女,佢係男。
嗰陣時我一時覺得佢係愛我,一時覺得佢唔係愛我,佢令到我質疑我自己嘅價值,搞到我好辛苦。
但係因為我知道佢係逃避型依戀人格,所以我要去遷就佢。
成日都好似只有佢可以有情緒我唔可以唔開心, 之後佢就會話係咪一定要依家解決, 「就算你要解決,唔可以等我情緒好啲嗰陣再解決咩?」,之後就無止境冇了期咁様等待。
一時覺得有希望,一時覺得好絕望。
之後就搵佢傾,成個cycle又再loop 一次。
真係人都顛。
到最後,我真係頂唔順,嘗試同佢溝通呢樣嘢,但係冇辦法,佢自己意識唔到 同埋 自己唔肯去改既話,咁你就要接受佢就係一個咁樣嘅人。
我嘅結果就係受晒傷咁樣離場,我而家都要花時間搵返以前未認識佢嘅嗰個開朗、知道自己價值、唔需要人哋認同自己嘅自己。