[SJHU] Shin‧Ultraman 新‧超人 劇透討論區 | 10 13經典震撼回歸

證明佢扭曲重力飛
咩姿勢都ok?

成個動作好難唔笑

https://youtu.be/kJZBt6wTNe0

This

根本垃圾，劇本爛節奏又差，特別後半部，超人上去幾野比人打柒，轉個頭已經係醫院醒返，之後搞一輪又再打，基本上都無乜鋪陳可言，成套戲絕大部分篇幅係去左㗎仔式說教，收尾噏兩句完左奇撚怪怪。

全套可取係得開頭打鬥精彩，長澤正美同西島秀俊發揮演技苦苦支撐，同埋首主題曲幾好聽。好心庵野秀明班友拍下EVA就算啦，染指電影界都唔知拍乜春，明顯拎唔到個節奏。

成個院見到好多上左年紀嘅人去睇，有d甚至係帶埋個都算幾大嘅仔去睇，結果散場時候明明成班都係男人，睇完之後應該會幾high，但偏偏個個好似啱啱瞓醒咁，完全無意欲去傾套戲，就知套嘢唔掂

唉呀 真係慘 唔啱你睇好燥底
係度鬧多幾句發泄吓啦

其實超人嘅腳步咁輕，原則上係唔係可以唔錯手殺死主角嘅情況下落來地球

佢係隕石撞地球咁嚟

我當佢因為錯手殺過神永 以後都腳步輕D

睇完覺得好正, 不過好明顯唔夠時間, 好多野交代得好急, 希望第日會出導演版
冇諗過都有唔少人唔收貨我自己就真係好enjoy, 覺得可以入場睇多一兩次
我唔敢話自己fans但都叫睇開超人, 可能因為咁易入口
不過我覺得劇情, 同埋背後想表達既野, 唔係睇開超人都會明, 差在明到幾多同投唔投入

講到咁專業佢又唔明架啦
真係唔明點解已經要等到依家先有得睇架啦
都重係一堆人質疑緊整走計時燈係為懶創新而改嘅嘢

接受唔到批評套戲就唔好開post話討論啦，講埋d廢話，直接話死忠圍爐咪得，我一定要圍爐圍得好開心

試下駁下你
呢套大部分嘢入面交代曬 出到黎冇嘢討論幾正常

說教味一向都係庵野或者日本戲會有嘅嘢 睇eva嗰陣已經係咁 而且多數都係超人自己嘅睇法 睇完我唔會完全同意佢對人類嘅喜愛 冇咩比佢說服到

外星人同下個外星人出現時間太快呢樣我認同 但應該係有意咁做 至少最後嗰隻擺明借超人過橋去操控政府

最後想問本身套戲時間已經好趕
你講嘅鋪陳係咪指想睇男主點樣比人從海到救出黎再送去醫院
然後日日影住佢訓覺？

...冇話接受唔到批評喎
替你傷心喳嘛 套戲唔啱睇 浪費晒D時間
有咩不快 講多D

當年原版個道具都係咁轉

道具係指超人?

當年拍佢哋飛咪係模型

你覺得入面交代晒d野，出到黎自然無野討論，呢個係你嘅諗法姐。事實上一套戲d觀眾覺得好無睇，係散場嘅時候已經反映得到，我果場就係男主角醒返，突然完左播歌，d人散場如夢初醒一樣，完全唔似睇完超人，帶埋d仔去睇都無乜討論，連問下覺得好無睇都無。

至於你話鋪陳我真係寧願佢多d啊，但你又唔好咁極端要去日日影住佢瞓覺下話，與其晒咁多時間去說教，不如將個故事結構寫返緊密d，唔好跳黎跳去，成套戲都成兩粒鐘喎。

你講嘢真係有見地

理性討論下其實睇得庵野都大概知佢個風格係點啦
唔講eva佢上一套真哥斯拉嘅交代手法都係差唔多
好聽啲講就有風格難聽啲就難入口唔知做緊乜
我自己覺得佢係由自己係超人/特攝fans嘅角度出發拍呢套戲 所以當中好多細節位致敬位可能真係fans有睇開先get到
至於其他觀眾覺得好唔好睇冇得單單由你觀察去猜度啦
細路睇唔明冇共鳴就冇辦法 始終呢套真超人從頭到尾嘅定位都係成人向

執行上同完整度的確係真哥比較高一班
超人有啲太貪心 想將全個TV版嘅精要都盡力抽出嚟
變左影響到劇本同情感上嘅處理
心目中expect 嘅嘢都出曬
Type A, 經典sound effect, 吉田bgm, 變身過場, 打怪場面復刻, 大結局同zoffy 對話復刻, 現代政治角力, 國際輿論…
但係又冇真哥咁連貫，超人依個題材的確好難平衡曬所有嘢

我都認同睇完戲後的確有如夢初醒嘅feel
出到去同fd都冇咩講 但絕對唔係因為唔好睇咯

我覺得冇嘢討論係因為庵野盡力將自己一生對超人嘅理解擺入一套只有兩個鐘嘅電影
而嗰D理解好多時已經係fans 討論到爛嘅嘢 例如超人係咪神 人類咁垃圾點解超人仍願意守護佢地等等
所以睇完套戲 我相信fans係滿足嘅 因為呢套超人冇淨係注重打鬥而忽略超人多年背後嘅思想 要將幾十年嘅內涵用兩個鐘表達出黎並唔容易

但正如上面樓層討論咁講 唔係個個接受到兩小時內大量嘅資訊灌輸 要知道觀眾唔係個個深入理解過超人
要理解庵野嘅見解之前可能已經比世界觀同劇情推進confuse 到
所以出黎嗰陣可能仲諗緊前面嘅劇情 但由於背景本身交代完整
認真睇嘅話應該唔會話睇唔明 只係會覺得推進過快

所以呢套話呢套fans 向並唔意外
唔係個個鍾意庵野電波或者超人背後嘅嘢 可能只係想入黎睇下超人打怪獸 睇完係覺得唔好睇
但評價為垃圾真係過左 佢未差到咁

睇完覺得有幾樣嘢好有趣
1. 動作設計 最深印象係超人第二次出場打電鑽頭 倒轉飛落地再打幾個圈踢怪獸 好搞笑
2. 原來積頓係佐菲放出嚟要滅絕人類 我一直以為超人係正義嘅一方 但原來有段咁嘅故事
3. 禍特對個老細叫下屬將軍費卸俾美國佬 加埋佢個表情忍唔到笑

利申唔係fans 無睇過吉田

太多敵人搞到要連貫好難
扎布拉星人接落去美菲拉斯嗰度好快

好似唔係美國佬， 好似係要自衛隊埋單

不過今次啲日本官員已經好合作， 如果佢哋仲要互相搞事套戲三個鐘都完唔到

1. 2個鐘少少趕,俾夠三個鐘會好好多,特別係神永太少同隊友互動
2. 痴漢視角多到又黑絲,又大腿,又尾行
3. 成套CG有啲位明顯見到佢係想致敬皮套,但鑽地果PART CG真係唔太得
3. 扎拉布星人真係太短啦
4. 原版美菲拉斯問佢到底係超人定人類變左長澤問,依個改動都合理
5. 積頓個設計我覺得係史上最好,果種無機機械感仲有壓逼感
6. 原版靠科特隊打死積頓果PART改到變淨係負責計數差緊啲,仲以為有咩裝備之類

打住咁多先,仲有好多想講