母愛真係好偉大，可以無條件為孩子犧牲而不求回報。世界上有一名來自美國最矮嘅媽媽Stacey Herald，先天患有一種罕見遺傳病「成骨不全症」，身高僅僅有72.39厘米，Stacey唔聽醫生勸告，冒著生命危險誕下三個小朋友，用佢無私嘅愛支撐著一個充滿愛嘅家庭。
Stacey先天患有成骨不全症，呢個疾病令佢嘅骨骼非常脆弱，而且肺部亦因此發育不全，冇辦法長高，而長大後身高只有72.39厘米，甚至有醫生斷言Stacey活不過成年。但佢同其他正常女性一樣，非常渴望擁有幸福美滿嘅家庭，亦都渴望擁有自己嘅子女。
2000年，Stacey幸運地遇到一個比佢年輕9歲嘅男子Wil，而且Wil身高有180厘米，儘管Stacey身材矮小，需要長期坐輪椅，但Wil還是非常寵愛Stacey。佢哋更喺2004年拉埋天窗結婚，由於Stacey好想擁有一個完滿嘅家庭，醫生曾經勸告Stacey最好唔好生小朋友，否則會有生命危險，即使最終出生，好大機會遺傳媽媽「成骨不全症」。
同時，如果懷孕可能會令佢嘅身體無法承受，有可能會壓迫到肺部、心臟，容易造成生命危險。聽到醫生勸告後Stacey同Wil都非常痛苦，但最終Stacey都係決定要嘗試一下，因為佢非常渴望可以有自己嘅小朋友。
Stacey最終堅持懷孕，並喺三年內誕下三個小朋友，雖然佢成功誕生下三個小朋友，但係非常遺憾嘅係三個小朋友當中，大女兒和小兒子均遺傳Stacey嘅成骨不全症。
2018年，Stacey離開人世終年44歲，留下35歲嘅丈夫獨自一人照顧三個小朋友。呢位偉大而勇敢嘅媽媽，用自己嘅生命挑戰咗命運嘅極限，真係好值得敬佩！
圖片來源：snippitte@Youtube
